تهران:
گهرو وزير محسن نقوي ايراني سپريم ليڊر لاءِ وزيراعظم شهباز شريف جو خصوصي پيغام کڻي تهران پهتو ۽ عباس عراقچي جي حوالي ڪيو.
ايراني سرڪاري ميڊيا موجب پاڪستان جو گهرو وزير محسن نقوي ايران پهتو ۽ پرڏيهي وزير عباس عراقچي سان ملاقات ڪئي. ٻنهي اڳواڻن گڏيل دلچسپي جي معاملن تي خيالن جي ڏي وٺ ڪئي ۽ ٻنهي ملڪن وچ ۾ تعاون کي وڌيڪ فروغ ڏيڻ تي خيالن جي ڏي وٺ ڪئي.
ملاقات دوران ٻطرفن لاڳاپن جو جائزو وٺڻ کان علاوه ٻنهي اڳواڻن ايران خلاف آمريڪا جي مسلط ڪيل صهيونسٽ جنگ جي خاتمي لاءِ پاڪستان جي ثالثي ۾ جاري سفارتي عمل جي تازي صورتحال تي به خيالن جي ڏي وٺ ڪئي.
ايراني ميڊيا موجب پاڪستاني گهرو وزير محسن نقوي وزيراعظم شهباز شريف جو خصوصي پيغام ايراني سپريم ليڊر مجتبيٰ خامنه اي عباس عراقچي جي حوالي ڪيو.
ان حوالي سان ايڪس تي خبرون ۽ تصويرون پڻ جاري ڪيون ويون آهن.
