آئل اينڊ گيس ڊولپمينٽ ڪمپني (او جي ڊي سي) موجوده توانائي بحران ۾ پاڪستان لاءِ وڏي خوشخبري ٻڌائي آهي جتي او جي ڊي سي نيشپا بلاڪ ۾ برازي ايڪس ون کوهه مان ملڪ جي تاريخ جي سڀ کان وڏي تيل ۽ گئس جي دريافت جو سنگ ميل حاصل ڪري ورتو آهي. او جي ڊي سي جي ترجمان ذيشان زيدي موجب پيٽروليم واري وفاقي وزير علي پرويز ملڪ او جي ڊي سي جي بارگازئي ايڪس 01 کوهه مان ڪمرشل پيداوار جو افتتاح ڪيو. هن چيو ته او جي ڊي سي نيشپا بلاڪ ۾ برازي ايڪس ون کوهه مان ملڪ جي تاريخ جي سڀ کان وڏي تيل ۽ گئس جي دريافت جو سنگ ميل حاصل ڪري ورتو آهي ۽ خيبرپختونخواهه جي ضلعي ڪوهاٽ ۾ تيل ۽ گئس جي دريافت کي پاڪستان جي وڏي ڳولا واري ڪاميابي قرار ڏنو ويو آهي. او جي ڊي سي جي ترجمان موجب برازيئي ايڪس ون کوهه مان روزانو 15 هزار 5 بيرل تيل ۽ 45.36 ملين ڪيوبڪ معياري ڪيوبڪ فوٽ گئس حاصل ٿي رهي آهي ۽ ان کوهه مان تيل جي روزاني پيداوار کي 2028ع تائين 25 هزار بيرل تائين آڻڻ جو هدف مقرر ڪيو ويو آهي. هن چيو ته او جي ڊي سي 2028ع تائين گئس جي پيداوار 60 ايم ايم ايس سي ايف ڊي ۽ ايل پي جي جي پيداوار 200 ميٽرڪ ٽن في ڏينهن تائين آڻڻ جو هدف مقرر ڪيو آهي، پيٽروليم واري وفاقي وزير علي پرويز ملڪ چيو آهي ته تيل ۽ گئس جي وڏي دريافت سان توانائي بحران ۾ گهٽتائي ايندي، او جي ڊي سي جي مسلسل ڪاميابي ملڪ جي انرجي سيڪيورٽي لاءِ اهم سنگ ميل آهي. هن چيو ته او جي ڊي سي جي انهن دريافتن سان پاڪستان کي هر سال 329 ملين ڊالرن جو فائدو ٿيندو، نئين دريافتن سان ملڪي ذخيرن ۾ اضافو ٿيندو ۽ درآمدي تيل تي انحصار گهٽ ٿيندو.
Source link
Leave a Comment Leave a Comment
