پشاور:
خيبرپختونخواهه حڪومت جي سڌ سماءَ بابت خاص مددگار شفيع جان باجوڙ ضلعي ۾ سيڪيورٽي فورسز تي دهشتگرد حملي جي سخت مذمت ڪندي ان کي بزدلاڻو عمل قرار ڏنو آهي.
پنهنجي هڪ هنگامي بيان ۾ هن حملي جي نتيجي ۾ ٿيندڙ جاني نقصان تي گهري ڏک ۽ افسوس جو اظهار ڪيو آهي.
شفيع جان ملڪ جي سرزمين تي جانين جو نذرانو پيش ڪندڙ سيڪيورٽي اهلڪارن کي خراج عقيدت پيش ڪندي چيو ته پاڪ فوج جي جوانن ملڪ جي دفاع لاءِ جانين جو نذرانو پيش ڪيو آهي ۽ سندن عظيم قربانيون تاريخ ۾ سونهري اکرن ۾ لکيون وينديون.
هن واضح ڪيو ته دهشتگرد پنهنجي بزدلاڻن حڪمت عملين سان قوم جي عزم کي ڊاهي نٿا سگهن.
خاص مددگار وڌيڪ چيو ته دهشتگردي خلاف جاري جنگ ۾ پوري قوم پنهنجي بهادر قوتن جي پويان سیسه پلائيندڙ ديوار وانگر بيٺي آهي. سڪيورٽي فورسز جون قربانيون اسان جو فخر آهن ۽ سندن رت رائيگاں نه ويندو.
هن متاثر خاندانن سان دلي همدردي جو اظهار ڪندي چيو ته صوبائي حڪومت شهيدن جي خاندانن جي ڏک ۾ برابر جي شريڪ آهي ۽ ڏک جي هن گهڙي ۾ کين ڪنهن به صورت ۾ اڪيلو نه ڇڏيو ويندو.
شفيع جان دعا ڪئي ته الله تعالٰي شهيدن جا درجات بلند ڪري ۽ زخمين کي جلد و مڪمل صحتيابي عطا فرمائي.
