اسلام آباد:
پاڪستان ٽيلي ڪميونيڪيشن اٿارٽي (پي ٽي اي) زونل آفيس لاهور طرفان فيڊرل انويسٽيگيشن ايجنسي (ايف آءِ اي) سائبر ڪرائم سرڪل جون گڏيل ٽيمون سڄي ملڪ ۾ سمن جي غير قانوني رليز خلاف ڪريڪ ڊائون ڪري رهيون آهن.
پي ٽي اي ۽ ايف آءِ اي لاهور جي مختلف علائقن ۾ گڏيل ڪارروائي ڪندي 7 شڪي بي وي ايس ڊيوائسز، ٽي موبائيل فون، 50 شڪي سمز ۽ هڪ ليپ ٽاپ هٿ ڪري ورتو. ايف آءِ اي فنگر پرنٽ اسڪيننگ گروپ جي اهم آپريٽو کي به گرفتار ڪري ورتو.
پي ٽي اي موجب ايف آءِ اي لاهور جي سهڪار سان پي ٽي اي پاران سمن جي غيرقانوني جاري ڪرڻ تي ڇاپو ڪاميابي سان جاري آهي.
ساڳئي مهم تحت لاهور جي مختلف هنڌن تي لڳاتار 4 ڪامياب ڇاپا هنيا ويا، جن ۾ زونگ جون ٻه فرنچائز فيروزپور روڊ ۽ جوهر ٽائون شامل آهن.
ڇاپي دوران ايف آءِ اي سي سي آر سي جي ٽيم ثبوت طور ست شڪي بي وي ايس ڊيوائسز، ٽي موبائيل فون، 50 شڪي سمز ۽ هڪ ليپ ٽاپ هٿ ڪري ورتو. ايف آءِ اي فنگر پرنٽ اسڪيننگ گروپ جي اهم آپريٽو کي به گرفتار ڪري ورتو.
فرنچائزز جي مينيجرز، زونگ بزنس ڊولپمينٽ آفيسر (بي ڊي او) ۽ ڊي ايس او سميت 4 ٻين ماڻهن کي پڻ گرفتار ڪيو ويو.
ايجنسي پاران ٻه ايف آءِ آرز داخل ڪيون ويون آهن ۽ ايف آءِ اي جي سائبر ڪرائم ونگ ڪيس جي وڌيڪ جاچ ڪري رهي آهي.
ياد رهي ته ڪريڪ ڊائون جو اهو تسلسل پي ٽي اي پاران سمن جي غيرقانوني اجراءَ کي روڪڻ لاءِ جاري ڪوششن جو حصو آهي، جيڪو اختيارين جي عزم کي ظاهر ڪري ٿو.
