ڪراچي: ملڪ جي ٻن وڏن ۽ مصروف ترين ايئرپورٽن تي جديد ترين ايئر ٽريفڪ ڪنٽرول سسٽم نصب ڪرڻ ۾ اهم اڳڀرائي ڪئي وئي آهي.
پاڪستان ايئر پورٽ اٿارٽي (پي اي اي) اختيارين موجب ڪراچي ۽ لاهور ايئرپورٽس تي نئون ايئر ٽريفڪ ڪنٽرول سسٽم لڳايو ويندو، جنهن سان هوائي آپريشن وڌيڪ موثر ۽ محفوظ ٿيندو.
آفيسرن جو چوڻ آهي ته ڪراچي ۽ لاهور جي فلائيٽ انفارميشن ريجن لاءِ جديد فلائيٽ مئنيجمينٽ سسٽم پڻ متعارف ڪرايو ويندو جيڪو فلائيٽ جي نگراني ۽ رهنمائي کي بهتر بڻائڻ ۾ اهم ڪردار ادا ڪندو.
پي اي اي موجب سينٽرل ڊولپمينٽ ورڪنگ پارٽي منصوبي جي پي سي ون جي منظوري ڏئي ڇڏي آهي، جنهن کانپوءِ منصوبي تي عملي اڳڀرائي جي راهه هموار ٿي وئي آهي.
آفيسرن جو وڌيڪ چوڻ هو ته نئون ايئر ٽريفڪ مئنيجمينٽ سسٽم پروازن جي وڌيڪ موثر رهنمائي ڪندو، جڏهن ته وڌندڙ هوا جي دٻاءُ سبب پراڻي سسٽم کي جديد ٽيڪنالاجي سان تبديل ڪرڻ ضروري ٿي ويو.
پاڪستان ايئر پورٽ اٿارٽي موجب ايندڙ ڪجهه ڏينهن ۾ منصوبي لاءِ انٽرنيشنل ٽينڊر پڻ جاري ڪيا ويندا، جنهن کانپوءِ جديد سسٽم لڳائڻ جو عمل شروع ڪيو ويندو.
