پنجاب؛ جعلي نمبر پليٽ ۽ اي چالان نه ڪندڙ کي پڪڙڻ لاءِ سمارٽ ڪار متعارف ڪرائڻ جو فيصلو

پوليس پنجاب هاءِ ويز تي سمارٽ ڪارون متعارف ڪرائڻ جو فيصلو ڪيو آهي ته جيئن جعلي نمبر پليٽس، اي چالان نه ڪندڙ ۽ ٽائوٽس کي پڪڙي سگهجي. پوليس اختيارين موجب ”پوليس آئي سمارٽ وان“ هاءِ ويز يا عوامي هنڌن جي خودڪار نگراني لاءِ تياري جي آخري مرحلن ۾ آهي. سمارٽ وين 360 ڊگري ڪيمرا سان ليس هوندي جيڪا ناقص گاڏين ۽ عوامي هنڌن تي اشتهار ڏيندڙن کي فوري طور سڃاڻي سگهندي. سمارٽ ڪار کي فوري الرٽ پيدا ڪرڻ لاءِ محفوظ شهرن سان ضم ڪيو ويندو. سمارٽ وين جي ڪيمرا کان 100 ميٽرن جي دائري ۾ ايندڙ گاڏين ۽ شهرين جا تفصيل فوري طور تي اپ ڊيٽ ڪيا ويندا، جڏهن ته اوور لوڊنگ گاڏين جي به نشاندهي ڪئي ويندي ۽ هڪ ڪلڪ سان الرٽ جاري ڪيو ويندو. ايندھن جي بچت لاءِ پوليس وين لاءِ اليڪٽرڪ گاڏيون خريد ڪيون وينديون، پھرين گاڏي ايندڙ هفتي تيار ڪري پنجاب جي وڏي وزير کي منظوري لاءِ پيش ڪئي ويندي. گاڏي جي تياري ايڊيشنل آءِ جي لاجسٽڪ اينڊ پروڪيورمينٽ فواد الدين قريشي جي نگراني ۾ مڪمل ڪئي ويندي. وڏي وزير جي منظوري کانپوءِ لاهور ۾ ماڊل روڊن لاءِ هڪ کان ٽي گاڏيون پنجاب جي سمورن ضلعن ۾ مانيٽرنگ لاءِ ڏنيون وينديون، هڪ گاڏي تي سامان سميت 1 ڪروڙ 10 لک لاڳت ايندي. پوليس آءِ وين جي اچڻ سان ٽريفڪ جو نظام بهتر ٿيندو ۽ اشتهاري جوابدارن کي گرفتار ڪرڻ ۾ مدد ملندي.



Source link