فقير:
بستي چانڊيا ۾ 5 فوٽ زميني تڪرار خوني رخ اختيار ڪري ويو، جنهن جي نتيجي ۾ 5 ڄڻا حياتيون وڃائي ويٺا.
فوتين جي جنازي نماز ادا ڪئي وئي، جتي دل ڏاريندڙ منظر ڏسڻ ۾ آيا.
تفصيل موجب جڏهن هڪ ئي گهر جي ٻن نوجوان ڀائرن ۽ سندن والد جو جنازو پهتو ته ماحول سوڳوار ٿي ويو ۽ هر اکين ۾ ڳوڙها ڀرجي آيا.
جنازي نماز ۾ سوين ماڻهن شرڪت ڪئي، جڏهن ته پوليس طرفان سيڪيورٽي جا سخت انتظام ڪيا ويا هئا.
پوليس موجب فائرنگ جي ڏي وٺ ۾ ٻن ويجهن مائٽن وچ ۾ خوني جهيڙو ٿيو، جنهن ۾ فائرنگ جي ڏي وٺ ۾ هڪ طرف کان 4 ۽ ٻئي طرف جو 1 ڄڻا مارجي ويا.
ٻئي ڌر جي نوجوان جي جنازي نماز الڳ الڳ ادا ڪئي وئي.
فوتين کي سندن اباڻي قبرستان ۾ دفنايو ويو آهي، جڏهن ته علائقي ۾ فضا سوگوار آهي.
پوليس جو چوڻ آهي ته واقعي ۾ زخمي ٿيل 3 ڄڻا ڊي ايڇ ڪيو اسپتال ڀکر ۾ علاج هيٺ آهن، جڏهن ته وڌيڪ قانوني ڪارروائي ڪئي پئي وڃي.
