آسٽن جي اوڀر طرف فائرنگ جو واقعو پيش آيو، جنهن جي نتيجي ۾ 2 ڄڻا زخمي ٿي پيا، جڏهن ته حملي آور فرار ٿيڻ ۾ ڪامياب ٿي ويو.
ميڊيا رپورٽن موجب واقعو آچر جي رات 8 وڳي سامس باربيڪيو ريسٽورنٽ جي ٻاهر پيش آيو، جتي اوچتو فائرنگ شروع ٿي وئي.
موسيقي ۽ کاڌي سان گڏ هڪ ’آچر فن ڊي‘ تقريب ان وقت ويجهي جڳهه تي جاري هئي، پر اهو فوري طور تي واضح ناهي ٿيو ته ڇا شوٽنگ واقعي سان ڳنڍيل هئي.
اطلاع تي ريسڪيو اهلڪارن فوري طور تي پهچي ٻن زخمين کي طبي امداد لاءِ اسپتال منتقل ڪيو. ٻن ڄڻن جي حالت بابت وڌيڪ تفصيل جاري نه ڪيا ويا.
پوليس موجب واقعي جي جاچ جاري آهي ۽ هن وقت عوام کي ڪنهن به قسم جو خطرو ناهي.
فائرنگ کانپوءِ چيڪن ۽ الامو اسٽريٽ جي وچ واري علائقي کي ڪيترن ئي ڪلاڪن تائين گھيري ۾ آندو ويو، جڏهن ته پوليس ثبوت گڏ ڪرڻ لاءِ سرچ آپريشن جاري رکيو.
اکين ڏٺن شاهدن موجب فائرنگ کانپوءِ علائقي ۾ ڀاڄ پئجي وئي ۽ ماڻهو پنهنجي جان بچائڻ لاءِ ڀڄڻ لڳا.
