پشاور زلمي جي ڪپتان بابر اعظم چيو آهي ته پاڪستان ۾ ڪرڪيٽ ٽيلينٽ جي ڪا به کوٽ ناهي پر ان ٽيلينٽ جي صحيح سڃاڻپ ۽ بهتر رهنمائي تمام ضروري آهي. پريس ڪانفرنس ڪندي ڪپتان بابر اعظم چيو ته اهو سمجهڻ ضروري آهي ته ڪهڙو رانديگر ڪهڙي فارميٽ لاءِ موزون آهي ته جيئن ڪنهن رانديگر کي غلط فارميٽ ۾ نه فيڊ ڪيو وڃي. هن چيو ته ٽيسٽ ڪرڪيٽ ۾ ٽي 20 رانديگر کي کارائڻ ٽيم لاءِ نقصانڪار ثابت ٿي سگهي ٿو، ان ڪري ضروري آهي ته ٽيلينٽ کي پروان چڙهائڻ سان گڏ ان کي مناسب موقعا ڏنا وڃن. پنهنجي ڪارڪردگيءَ بابت ڳالهائيندي بابر اعظم چيو ته هو پنهنجي ۽ عوام جي اميدن مطابق پرفارم نه ڪري سگهيو آهي پر سندس ڌيان هميشه پنهنجي ڪارڪردگي کي بهتر بڻائڻ تي آهي. هن واضح ڪيو ته هو تنقيد جو جواب ميدان تي پرفارمنس سان ڏيڻ کي ترجيح ڏيندو آهي، ڇو ته سٺي کيڏڻ تي به تنقيد ٿيندي آهي. هن چيو ته هر ڪپتان وانگر هو به پنهنجي ٽيم لاءِ ٽرافيون کٽڻ چاهي ٿو. حيدرآباد جي ٽيم بابت ڳالهائيندي بابر اعظم چيو ته ٽيم کي شروعات ۾ مشڪلاتن کي منهن ڏيڻو پيو پر بعد ۾ هنن سٺي ڪرڪيٽ کيڏي ۽ هر رانديگر پنهنجو ڪردار ادا ڪيو. پشاور زلمي جي ڪپتان سريلنڪن آل رائونڊر ڪوشل مينڊس جي تعريف ڪندي چيو ته هو تجربيڪار رانديگر آهي ۽ سندس موجودگي ٽيم لاءِ فائديمند آهي. هن وڌيڪ چيو ته پشاور زلمي سان سندس سفر تمام سٺو رهيو آهي ۽ ٽيم ٽنهي شعبن بيٽنگ، بالنگ ۽ فيلڊنگ ۾ سٺي ڪارڪردگي ڏيکاري آهي. بابر اعظم موجب هر ميچ پريشر سان ڀريل هوندي آهي جڏهن ته فائنل ميچ جو پريشر به وڌيڪ هوندو آهي جنهن لاءِ ٽيم کي ذهني طور تي تيار رهڻو پوندو.
Source link
Leave a Comment Leave a Comment
