اسلام آباد:
سپريم ڪورٽ فوجي عدالتن مان سزا مليل جوابدارن کي اپيل جو حق ڏيڻ واري فيصلي تي اڃا تائين عمل ناهي ڪيو.
7 مئي 2025 تي سپريم ڪورٽ اڪثريتي فيصلي ۾ وفاقي حڪومت کي هدايت ڪئي ته فوجي عدالتن مان سزا مليل ماڻهن کي هاءِ ڪورٽن ۾ اپيل جو حق ڏيڻ لاءِ قانون سازي ڪئي وڃي.
ان فيصلي ۾ سپريم ڪورٽ 9 مئي 2023ع تي فوجي تنصيبات تي حملن ۾ ملوث پي ٽي آءِ جي ڪارڪنن جي آرمي ايڪٽ تحت ٽرائل کي برقرار رکيو پر هدايت ڪئي ته آرمي ايڪٽ تحت سزا يافته شهرين کي اعليٰ عدالتن ۾ اپيل جو حق ڏيڻ لاءِ قانون سازي ڪئي وڃي.
ان لاءِ سپريم ڪورٽ حڪومت کي 45 ڏينهن جو وقت ڏنو آهي. اڳوڻي چيف جسٽس جواد خواجا ان حڪم تي عمل نه ڪرڻ تي وزيراعظم خلاف توهين عدالت جي درخواست داخل ڪري ڇڏي آهي.
27هين ترميم کانپوءِ معاملو آئيني عدالت ۾ ويو جنهن جي چيف جسٽس امين الدين اڪثريتي فيصلو محفوظ ڪيو. آئيني عدالت اڃا تائين معاملو نه ورتو آهي.
گذريل سال لاهور هاءِ ڪورٽ 7 مئي 2025ع جي حڪم تي عمل نه ڪرڻ تي وفاقي حڪومت کان وضاحت طلب ڪئي هئي، جنهن بعد معاملو ٿڌو ٿي ويو هو.
27هين ترميم کانپوءِ سپريم ڪورٽ پاڻ ماتحت عدالت بڻجي وئي آهي. آئيني عدالت جي چيف جسٽس امين الدين خان چيف جسٽس يحيٰ آفريدي جي ترجيحي ايجنڊا ۾ شهري آزادين جو معاملو ناهي.
چيف جسٽس امين الدين خان، جيڪو پنهنجي رٽائرمينٽ کان ٻه هفتا اڳ آئيني عدالت جو سربراهه بڻيو هو، ڪنهن به اهم معاملي تي حڪومت کي ناراض ڪرڻ نٿو چاهي.
ايڊووڪيٽ فيصل صديقي چيو ته 26 هين ترميم ۾ مليل محدود اپيلٽ رليف 27 هين ترميم دفن ڪري ڇڏيو آهي.
