پاڪستان ڪرڪيٽ بورڊ (پي سي بي) پاڪستان سپر ليگ (پي ايس ايل) سيزن 11 لاءِ ٽيم آف ٽورنامينٽ جو اعلان ڪري ڇڏيو آهي، جنهن ۾ پشاور زلمي جي ڪپتان بابر اعظم کي ٽيم جو ڪپتان مقرر ڪيو ويو آهي. پي سي بي موجب بابر اعظم کي اهو اعزاز سندس شاندار بيٽنگ ۽ شاندار قيادت جي بنياد تي ڏنو ويو. هن سڄي ٽورنامينٽ ۾ مسلسل سٺي ڪارڪردگي ڏيکاري ۽ پنهنجي ٽيم کي ٽائيٽل کٽڻ ۾ اهم ڪردار ادا ڪيو. پي ايس ايل 11 ۾ بابر اعظم نه رڳو سڀ کان وڌيڪ رنسون اسڪور ڪندڙ رانديگرن ۾ شامل هو پر هن پنهنجي ڪپتانيءَ ۾ پشاور زلمي کي چيمپيئن به بڻايو جيڪو سندس ڪيريئر جي وڏي ڪاميابي سمجهي وڃي ٿي. ٽورنامينٽ جي ٽيم ۾ ٻيا نمايان رانديگر به شامل ڪيا ويا آهن جن بيٽنگ، بالنگ ۽ آل رائونڊ ۾ شاندار پرفارمنس ڏيکاري آهي پر قيادت جي ذميواري بابر اعظم کي ڏني وئي آهي. ٽيم آف دي ٽورنامينٽ ۾ ٻين رانديگرن ۾ فخر زمان، ڪوشل منڊي، شان مسعود، عثمان خان، شاداب خان، حسن خان، شاهين آفريدي، حنين شاهه، صفيان مقيم، رچرڊ گليسن ۽ حسن نواز شامل آهن. ڪرڪيٽ ماهرن موجب بابر اعظم جي قيادت ۽ مستقل مزاجي کيس ان ايوارڊ جو مضبوط اميدوار بڻائي ڇڏيو، جڏهن ته سندس ڪارڪردگي هڪ ڀيرو ٻيهر ثابت ڪري ڇڏيو ته هو پاڪستان جي ٽاپ بيٽسمينن ۾ شامل آهي.
Source link
Leave a Comment Leave a Comment
