اسلام آباد:
اسلام آباد هاءِ ڪورٽ عمران خان جي گهرواري بشرا بي بي جي ڌيءَ جي درخواست تي اهم فيصلو ٻڌائي ڇڏيو.
سنڌ هاءِ ڪورٽ ۾ بشرا بي بي جي ذاتي طبي رسائي ۽ خانداني ملاقات بابت درخواست تي ٻڌڻي ٿي، جنهن ۾ عدالت اڊيالا جيل سپرنٽينڊنٽ کي بشرا بي بي جي ڌيءَ جي درخواست تي 2 ڏينهن اندر فيصلو ڪرڻ جو حڪم ڏئي ڇڏيو.
عدالت هدايت ڪئي ته اڊيالا جيل سپرنٽينڊنٽ دليلن سان لکت ۾ حڪم جاري ڪري. عدالت حڪم ۾ وڌيڪ چيو ته اڊيالا جيل جي سپرنٽينڊنٽ کي 6 مئي تي ذاتي حيثيت ۾ طلب ڪيو ويو آهي.
واضح رهي ته جسٽس ارباب محمد طاهر بشريٰ بي بي جي ڌيءَ مبشرا جي درخواست تي ٻڌڻي ڪئي جڏهن ته درخواستگذار طرفان وڪيل سلمان اڪرم راجا پيش ٿيو.
ٻڌڻي دوران عدالت پڇاڻو ڪيو ته ڇا درخواست اڊيالا جيل اختيارين کي ڏني وئي آهي، جنهن تي سلمان اڪرم راجا درخواست جي ڪاپي اڊيالا جيل اختيارين کي جمع ڪرائي ڇڏي. هن عدالت کي ٻڌايو ته درخواست ڪوريئر ذريعي ۽ ذاتي طور تي جيل ۾ جمع ڪرائي وئي آهي.
ان موقعي تي عدالت اسٽيٽ ڪائونسل کي هدايت ڪئي ته درخواست تي ايندڙ ٻڌڻي کان اڳ فيصلو ڪيو وڃي.
سلمان اڪرم راجا عدالت کي ٻڌايو ته بشرا بي بي جي 16 ۽ 17 اپريل جي رات سرجري ٿي آهي، جنهن تي جسٽس ارباب محمد طاهر رمارڪس ڏنا ته اهو معاملو سوشل ميڊيا تي به آهي.
عدالت چيو ته ان ڪري درخواست جيل اختيارين کي موڪلي رهيا آهيون ته هو فيصلو ڪن. جنهن بعد عدالت ڪيس جي وڌيڪ ٻڌڻي 6 مئي تائين ملتوي ڪري ڇڏي.
