صوابي ۾ طوفان دوران ڪرنٽ ۽ ٻين واقعن ۾ هڪ عورت سميت 2 ڄڻا فوت جڏهن ته 6 ڄڻا زخمي ٿي پيا. صوابي ضلعي ۾ آچر جي شام گجگوڙ ۽ هوائن سان برسات پئي، مختلف هنڌن تي ڀتيون ڪرڻ سبب ڪيترائي ماڻهو زخمي ٿي پيا، ترلنڊي واري علائقي ۾ گهر ۾ ڪرنٽ لڳڻ سبب انڪوائري صوابي جو اهلڪار نعيم خان موقعي تي ئي فوت ٿي ويو، جڏهن ته سندس ٻه ڀائر طيب ۽ ظريف سخت زخمي ٿي پيا. باجا جي علائقي ۾ گهر جي ڀت ڪرڻ سبب 45 ورهين جي عورت موقعي تي ئي فوت ٿي وئي، موضع شيوا ۾ گهر جي ڀت ڪرڻ سبب هڪ نوجوان زخمي، يار حسين ۾ بورڊ ڪرڻ سبب ٻه ڄڻا زخمي، ڪالو خان ۾ سولر پينل ڪرڻ سبب هڪ ٻارڙو زخمي ٿي پيو. امدادي ٽيمن واقعي واري هنڌ پهچي فوتين ۽ زخمين کي اسپتال منتقل ڪيو.
Source link
Leave a Comment Leave a Comment
