اسلام آباد:
سپريم ڪورٽ زور ڏنو آهي ته مسجدن تي تڪرارن ۾ غير ضروري عدالتي مداخلت کان پاسو ڪيو وڃي ڇو ته ان سان امن امان خراب ٿي سگهي ٿو.
جسٽس شاهد بلال ۽ جسٽس شڪيل احمد تي ٻڌل ڊويزن بئنچ پنهنجي حڪم ۾ چيو ته مسجد جي انتظام ۽ استعمال تي اختلاف سماجي هم آهنگي ۽ مسجد کي نظر ۾ رکندي حل ڪيا وڃن.
فرقيواراڻي ليبل عوامي مسجد کي ڪنهن خاص فرقي جي ملڪيت نٿو بڻائي، ان جي انتظام تي تڪرار مسلمانن کي اتي عبادت ڪرڻ جي حق کان محروم نٿو ڪري سگهي.
اسلام ۾ مسجد ڪنهن ڍانچي جو نالو نه آهي، جيڪا سرن ۽ پٿرن جي ٺهيل آهي، پر هڪ مقدس ادارو آهي، جيڪو توحيد، اتحاد، ڀائيچاري، برابري جي بنيادي اصولن تي عمل ڪري ٿو ۽ مسلمانن جي اجتماعي روحاني زندگي جو عڪاسي آهي، جتي سڀئي مسلمان رنگ، ذات، سماجي ۽ مالي حيثيت جي بناءَ جي عبادت ڪن ٿا.
قرآن پاڪ بار بار مومنن جي وچ ۾ اتحاد ۽ اتفاق تي زور ڏنو آهي. قرآن مجيد واضح ڪري ٿو ته مسجد ڪنهن خاص گروهه جي لاءِ مخصوص نه آهي، بلڪه اها الله جي عبادت لاءِ خاص جاءِ آهي.
اسلام مسجدن ۾ فرقيواراڻي اجتماع کي تسليم نٿو ڪري، سڀني فرقن جو قبلو، قرآن ۽ بنيادي عقيدا هڪ ئي آهن.
