پاڪستان ڪرڪيٽ ٽيم جي کاٻي هٿ جي اسپنر نعمان علي ثقلين مشتاق ۽ دانش ڪنيريا کي پوئتي ڇڏي ڏنو آهي.
تفصيل موجب نعمان علي بنگلاديش خلاف پهرين ٽيسٽ ميچ جي ٻي اننگز ۾ 3 وڪيٽون ورتيون.
ان دوران هن ٽيسٽ ڪرڪيٽ ۾ وڪيٽن جي سينچري پڻ مڪمل ڪئي.
هن اهو اعزاز پنهنجي 22هين ٽيسٽ ميچ ۾ حاصل ڪيو، جنهن کانپوءِ هو پاڪستان لاءِ ٽيسٽ ڪرڪيٽ ۾ تيز ترين 100 وڪيٽون وٺندڙ ٽيون اسپنر بڻجي ويو.
نعمان علي ٽيسٽ ڪرڪيٽ ۾ 100 وڪيٽون وٺندڙ سڀ کان پراڻو بالر بڻجي ويو آهي.
ياسر شاهه کي پاڪستان طرفان ٽيسٽ ڪرڪيٽ ۾ مجموعي طور تي تيز ترين 100 وڪيٽون حاصل ڪرڻ جو اعزاز حاصل آهي. هن اهو ڪارنامو 17 ميچن ۾ ڪيو.
اسپنر سعيد اجمل به مجموعي طور تي ٻئي نمبر تي آهي جنهن 19 ميچن ۾ 100 وڪيٽون مڪمل ڪيون.
اسپنرز جي لسٽ ۾ نعمان علي هاڻي ٽئين نمبر تي آهي جڏهن ته ثقلين مشتاق ۽ دانش ڪنيريا 23 ميچن ۾ اهو ڪارنامو سرانجام ڏنو.
