ڀارتي اداڪار ۽ ڪاميڊين جاويد جعفري جي گهر واري حبيبه جعفري مبينا طور تي وڏي مالي فراڊ جو شڪار ٿي وئي آهي، جنهن ۾ انڪشاف ڪيو ويو آهي ته کانئس 162.4 ملين ڀارتي روپين کان وڌيڪ رقم چوري ڪئي وئي آهي. ڀارتي ميڊيا رپورٽن موجب ممبئي جي ڪرائم برانچ جي پراپرٽي سيل ان ڪيس ۾ واپاري نشيٽ پٽيل کي گرفتار ڪري ورتو آهي، جڏهن ته خار پوليس اسٽيشن ۾ داخل ٿيل ايف آءِ آر ۾ بي ايم سي جي اسسٽنٽ ڪمشنر مهيش پاٽيل سميت 6 ڄڻن کي نامزد ڪيو ويو آهي. جاچ موجب جوابدارن جعفري خاندان کي يقين ڏياريو ته انهن جا اهم بلڊرز ۽ اعليٰ حڪومتي شخصيتن سان ويجها لاڳاپا آهن، جنهن جي بنياد تي هن خاندان کي باندرا ۾ نيو ڪمل ڪنج ري ڊولپمينٽ پروجيڪٽ ۾ سيڙپ ڪرڻ تي راضي ڪيو. جوابدارن وڏي مالي فائدن، قيمتي ملڪيتن جي حصول ۽ جلدي قبضي جي واعدن ذريعي اعتماد حاصل ڪيو. پوليس موجب منصوبي کي حقيقي بڻائڻ لاءِ جعلي دستاويز، دلچسپي جا خط ۽ جعلي رجسٽريشن ڪاغذ تيار ڪيا ويا. جاچ ۾ اهو به انڪشاف ٿيو ته سيڙپ ڪيل رقم مختلف ڪمپنين جي بئنڪ اڪائونٽس ذريعي منتقل ڪئي وئي. جاچ دوران گرفتار جوابدار نشيت پٽيل به جعلي دستاويز تيار ڪرڻ جو اعتراف ڪيو آهي. رپورٽن مطابق، ڪيس اپريل 2024 ۾ شروع ٿيو جڏهن حبيبه جعفري کي بي ايم سي طرفان انڌيري ۾ پنهنجي ملڪيت جي پراپرٽي ٽيڪس بابت نوٽيس مليو. ان دوران علي رضا نالي هڪ شخص مبينا طور تي مهيش پاٽيل سان رابطو ڪيو، جنهن کانپوءِ سيڙپڪاري جو سلسلو شروع ٿي ويو.
Source link
Leave a Comment Leave a Comment
