آمريڪا وچ اوڀر ۾ پنهنجي فوجي موجودگي کي وڌيڪ مضبوط ڪرڻ سان گڏ ليزر ٽيڪنالاجي سان ليس ٻه جديد نيوي ڊسٽرڪٽ به موڪليا آهن.
عالمي ميڊيا رپورٽن ۾ آمريڪي بچاءَ واري کاتي موجب انهن جنگي جهازن جو مقصد خطي ۾ وڌندڙ ڇڪتاڻ، ڊرون حملن ۽ ميزائل خطرن کي منهن ڏيڻ آهي.
اهي تباهه ڪندڙ جديد ليزر سسٽم سان ليس آهن، جيڪي ڊرونز، ننڍڙن بحري هدفن ۽ خاص ميزائل خطرن کي تمام گهٽ قيمت ۽ تيز رفتار سان نشانو بڻائڻ جي قابل آهن. يو ايس نيوي جو چوڻ آهي ته هي ٽيڪنالاجي روايتي ميزائل دفاعي نظام کان وڌيڪ اثرائتو ۽ گهٽ مهانگي سمجهي وڃي ٿي.
پرڏيهي ميڊيا موجب جهازن کي فارس نار ۽ عربي سمنڊ جي ويجهو لڳايو ويو آهي، جتي ايران، حوثي باغين جي حملن ۽ سامونڊي سيڪيورٽي تي خدشا گذريل ڪجهه مهينن کان وڌي ويا آهن.
آمريڪي عملدارن چيو آهي ته انهن تعينات جو مقصد خطي ۾ اتحادي ملڪن جي دفاع کي مضبوط ڪرڻ ۽ عالمي شپنگ لين خاص ڪري آبنائي هرمز کي محفوظ بڻائڻ آهي.
