هڪ برطانوي رپورٽ انڪشاف ڪيو آهي ته آمريڪي صدر ڊونلڊ ٽرمپ جي ايران کي “ڊي-سولائيز” ڪرڻ جي ڌمڪيون نه رڳو وچ اوڀر ۾، پر يورپ ۽ ايشيا ۾ پڻ ممڪن ايٽمي تڪرار جو خدشو پيدا ڪيو آهي.
رپورٽ موجب آمريڪا ۽ ايران وچ ۾ ڇڪتاڻ جي عروج تي مغربي سفارتي حلقن ۾ خدشا هئا ته جيڪڏهن تڪرار مڪمل جنگ ۾ تبديل ٿي ويو ته ان جا اثر عالمي سطح تي پکڙجي سگهن ٿا، جنهن ۾ توانائي جو بحران، فوجي اتحادن جي مداخلت ۽ ايٽمي تڪرار جو امڪان به شامل آهي.
برطانوي تجزياتي رپورٽ ۾ چيو ويو آهي ته ايران جو ايٽمي پروگرام، اسرائيل جي سيڪيورٽي ۽ سخت آمريڪي پاليسين صورتحال کي انتهائي حساس بڻائي ڇڏيو آهي. ڪجهه يورپي عملدارن کي ڊپ هو ته هڪ غلط حساب يا فوجي اشتعال خطي کي وڏي بحران ۾ وجهي سگهي ٿو.
رپورٽ ۾ اهو به چيو ويو آهي ته ايشيائي ملڪن خاص طور تي جاپان، چين ۽ ڏکڻ ڪوريا آبنائے هرمز ۽ وچ اوڀر مان توانائي جي فراهمي جي اثرن تي سخت پريشان آهن.
بهرحال، آمريڪي عملدارن ان تاثر کي رد ڪندي چيو ته واشنگٽن جو مقصد ايران تي دٻاءُ وڌائڻ آهي، نه ته هر قسم جي جنگ يا ايٽمي تڪرار کي جنم ڏيڻ.
