پاڪستان جا پنج رانديگر ايشين جونيئر اسڪواش چيمپيئن شپ جي سيمي فائنل ۾ پهچي ويا

ماه نور علي سميت پاڪستان جا 5 رانديگر 33هين ايشين جونيئر انفرادي اسڪواش چيمپيئن شپ 2026 جي سيمي فائنل ۾ پهچي ويا، چيمپيئن شپ ۾ پاڪستان جا پنج ميڊل يقيني بڻجي ويا. مليل ڄاڻ موجب چين جي شهر پانزيهوا ۾ جاري چيمپيئن شپ جي بوائز انڊر 17 ايونٽ ۾ نعمان خان ملائيشيا جي محمد رزاق پٽ محمد فخر الزاري کي 40 منٽن جي سخت مقابلي کانپوءِ 0-3 تان هارائي ڇڏيو. ساڳئي ايونٽ جي هڪ ٻئي ڪوارٽر فائنل ۾ محمد عمير عارف هانگ ڪانگ ڪٽز لانگ لائن کي 0-3 تان هارائي ڇڏيو. ميچ صرف 20 منٽ جاري رهي. بوائز انڊر 15 ۾ ٽاپ سيڊ احمد ريان خليل هانگ ڪانگ جي ايٿن هوو وين بائي کي 28 منٽن ۾ بغير ڪنهن راند جي 0-3 تان شڪست ڏئي ڇڏي. ساڳئي ايونٽ ۾ محمد سهيل عدنان ڀارت جي شري شمٽ ليئر کي 49 منٽن جي جدوجهد کانپوءِ هڪ راند جي قرباني ڏئي کيس 1-3 تان شڪست ڏئي فائنل فور ۾ پهچي ويو. جڏهن ته بوائز انڊر 19 ايونٽ ۾ سيڪنڊ سيڊ عبدالله نواز ڪوارٽر فائنل ۾ ڪوريا جي جونگ هي لي هٿان هارائي ويو. فاتح 44 منٽن ۾ ميچ 0-3 تان کٽي ورتي. بوائز انڊر 13 ۾ محمد مصطفيٰ خان سخت مقابلي کانپوءِ ڀارت جي ابهي آڌي باجج کان 3-2 تان هارائي ويو. گرلز انڊر 15 ايونٽ ۾ چوٿون سيڊ حاصل ڪندڙ نور علي 27 منٽن جي مقابلي کانپوءِ هانگ ڪانگ جي هاو ڪيو جيو کي 0-3 تان شڪست ڏئي سيمي فائنل ۾ کيڏڻ جو حق حاصل ڪري ورتو. ياد رهي ته مهنور علي گذريل سال ايشين جونيئر چيمپيئن شپ ۾ گرلز انڊر 13 جي فائنل ۾ چانديءَ جو تمغا کٽيو هو. هوءَ پاڪستان جي 75 سالن جي تاريخ ۾ ايشين جونيئر چيمپيئن شپ ۾ ميڊل کٽڻ واري پهرين عورت ايٿليٽ بڻجي وئي.



Source link