آسٽريلوي ڪرڪيٽ ٽيم جي تجربيڪار بيٽسمين ڊيوڊ وارنر ون ڊي ڊيبيو تي پاڪستان جي نوجوان آل رائونڊر عرفات منهاس جي ڪارڪردگي کي ساراهيو ۽ سندس صلاحيتن کي شاندار قرار ڏنو. تفصيل موجب تازو ون ڊي ميچ ۾ عرفات منهاس پنهنجي ڊيبيو تي غير معمولي ڪارڪردگي ڏيکاريندي پاڪستان جي بالنگ اٽيڪ کي مضبوط بنياد فراهم ڪيو ۽ آسٽريليا خلاف شاندار اسپيل ذريعي پنج وڪيٽون ورتيون. هن جي ڪارڪردگي نه رڳو ميچ ۾ پاڪستان جي پوزيشن بهتر ڪئي پر کيس ڪرڪيٽ جي حلقن ۾ توجه جو مرڪز بڻائي ڇڏيو. ميچ کانپوءِ مختلف رپورٽن ۽ تبصرن ۾ ڊيوڊ وارنر نوجوان پاڪستاني بالر جي ڪارڪردگي جي واکاڻ ڪندي چيو ته اهڙا رانديگر جلد عالمي ڪرڪيٽ ۾ پنهنجي سڃاڻپ ٺاهيندا آهن. وارنر جا مبينا تبصرا پڻ سوشل ميڊيا تي وڏي پئماني تي شيئر ڪيا پيا وڃن. عرفات منهاس پنهنجي ڊيبيو تي شاندار اسپن بالنگ ڪندي آسٽريلوي بيٽنگ لائين اپ کي پريشان ڪري ڇڏيو ۽ اهم وڪيٽون ورتيون. سندس ڪارڪردگي کي پاڪستان ڪرڪيٽ لاءِ مثبت اشارو قرار ڏنو پيو وڃي. واضح رهي ته عرفات منهاس آسٽريلوي ڪپتان جوش انگلز، ميٿيو شارٽ، مارنوس لبوشين، ڪيمرون گرين ۽ نيٿن ايلس جون وڪيٽون ورتيون. هن 10 اوورن ۾ 32 رنسون ڏئي 5 وڪيٽون ورتيون.
Source link
Leave a Comment Leave a Comment
