وفاقي حڪومت ايندڙ مالي سال 27-2026 جي بجيٽ ۾ پراپرٽي ٽيڪس ۾ وڏي پئماني تي گهٽتائي ڪرڻ جي منصوبن کي حتمي شڪل ڏني آهي ته جيئن رئيل اسٽيٽ جي شعبي کي هٿي وٺرائڻ ۽ تعميراتي سرگرمين کي هٿي وٺرائي سگهجي.
ذريعن جو حوالو ڏيندي هڪ خانگي ٽي وي جي رپورٽ موجب غير منقوله ملڪيت جي خريداري تي ٽيڪس جي موجوده شرح 1.5 سيڪڙو مان گھٽائي فائلرز لاءِ صرف 0.25 سيڪڙو ڪرڻ جي تجويز ڏني وئي آهي.
ان سان گڏ پراپرٽي سيلز تي 4.5 سيڪڙو ٽيڪس کي گهٽائي 1.5 سيڪڙو ڪرڻ جي سفارش ڪئي وئي آهي.
حڪومت ان وڏي پاليسي ۾ تبديلي لاءِ انٽرنيشنل مانيٽري فنڊ (آءِ ايم ايف) سان ڳالهيون ڪري رهي آهي، جتي عالمي اداري کي تجويزن تي تحفظات ۽ مخالفت کي منهن ڏيڻو پيو.
ذريعن جو چوڻ آهي ته آءِ ايم ايف جي سخت شرطن باوجود حڪومتي سطح تي انهن تجويزن کي حتمي شڪل ڏني پئي وڃي.
اختيارين موجب ٽيڪس جي شرح ۾ گهٽتائي سان پراپرٽي مارڪيٽ ۾ بدحالي ختم ٿيندي ۽ ڪاروباري سرگرمين کي هٿي ملندي. آفيسرن جو چوڻ آهي ته ان اقدام سان سيڙپڪاري جا نوان موقعا پيدا ٿيندا، تعميراتي شعبي ۾ روزگار ۾ اضافو ٿيندو ۽ مجموعي طور تي قومي ٽيڪس وصولي ۾ اضافو ٿيندو.
