سنڌ جي انسپيڪٽر جنرل (آءِ جي) پوليس جاويد عالم اوڍو پوليس کي هدايت ڪئي آهي ته ڏوهن جي خاتمي لاءِ انٽيليجنس بنيادن تي ڪارروايون تيز ڪيون وڃن ۽ عيد الاضحيٰ جي موقعي تي سيڪيورٽي جا سخت انتظام ڪيا وڃن. عيدالفطر جي موقعي تي آءِ جي سنڌ جاويد عالم اوڍو جي صدارت هيٺ سينٽرل پوليس آفيس ڪراچي ۾ اهم سڪيورٽي اجلاس ٿيو، جنهن ۾ سڄي صوبي جي سيڪيورٽي صورتحال جو تفصيلي جائزو ورتو ويو. آءِ جي جاويد عالم اوڍو عيدالفطر جي موقعي تي سڄي صوبي ۾ سڪيورٽي جا انتظام سخت ڪرڻ جي هدايت ڪندي سمورن يونٽن کي انٽيليجنس شيئرنگ ۽ اسيسمينٽ کي موثر بڻائڻ جي هدايت ڪئي. ڏوهن جي خاتمي لاءِ انٽيليجنس بيسڊ آپريشنز کي تيز ڪرڻ جي هدايت ڪندي هن حڪم ڏنو ته اسٽريٽ ڪرائمز خلاف ڪومبنگ آپريشن تيز ڪيو وڃي ۽ ڏوهاري عنصرن خلاف صفر برداشت واري پاليسي تي سختي سان عمل ڪيو وڃي. اجلاس دوران سمورن ضلعن ۾ پوليس گشت، اسنيپ چيڪنگ ۽ ناڪابندي کي موثر بڻائڻ، داخلي ۽ خارجي رستن، سرحدي علائقن ۽ شاهراهن تي سيڪيورٽي سخت ڪرڻ جي هدايت ڪئي وئي. آءِ جي سنڌ جي صدارت هيٺ ٿيل اجلاس ۾ آفيسرن کي عوام جي جان ۽ مال جي تحفظ لاءِ فيلڊ ۾ موجود رهڻ جو حڪم ڏنو ويو ۽ گرمي جي امڪاني صورتحال کي نظر ۾ رکندي ضلعي انتظاميا ۽ برادرين سان رابطا وڌائڻ جي پڻ هدايت ڪئي وئي.
Source link
Leave a Comment Leave a Comment
