تقريبن 10 هفتن کان 20 هزار سامونڊي ڪپتان ايراني بندرگاهه سمنڊ ۾ ڦاٿل آهن، جن مان انيش نالي هڪ سامونڊي ڪپتان صورتحال جو اکين ڏٺن شاهد آهي.
ميڊيا رپورٽن موجب انيش 28 فيبروري تي آمريڪا پاران ”آپريشن ايپيڪ فيوري“ شروع ڪرڻ کان ڪجهه ڏينهن اڳ هڪ مال بردار جهاز ذريعي واٽر وي تي پهتو ۽ تڏهن کان هو علائقي ۾ ڦاٿل آهي.
الجزيره سان ڳالهائيندي انيش چيو ته اسان هتي سموري صورتحال کي منهن ڏنو آهي، جنگ، ميزائل ۽ خوراڪ جي کوٽ وغيره.
انيش چيو ته هن جا ڪجهه ساٿي ايران سان 44 ڪلوميٽرن جي زميني سرحد پار ڪرڻ ۽ آرمينيا ذريعي گهر واپس اچڻ ۾ ڪامياب ٿي ويا، پر ڪيترائي پوئتي رهجي ويا ڇاڪاڻ ته اهي اڃا تائين ادائيگي جو انتظار ڪري رهيا هئا.
انيش چيو ته انهن مان ڪجهه هندستاني ايجنٽن جي ڪري ڦاسي پيا آهن ڇو ته انهن کي پگهارون نه ملي رهيون آهن. ڇاڪاڻ ته ايراني ايجنٽ چون ٿا ته اسان توهان کي آرمينيا وڃڻ لاءِ ڊالر نٿا ڏئي سگهون.
انيش جو چوڻ هو ته هو آلو، پياز، ٽماٽو ۽ ماني جهڙي سادي خوراڪ تي زندگي گذاري رهيا آهن جڏهن ته ٻيا جهاز پريشان آهن ته ماني ۽ پاڻي جي کوٽ آهي.
