ايران جي پرڏيهي وزارت جي ترجمان اسماعيل بقائي چيو آهي ته آمريڪا سان پيغامن جي تبادلي جو سرگرم عمل آهي، پر واشنگٽن ماضي ۾ ڳالهين ۾ خيانت ڪئي آهي. الجزيره موجب ايران جي پرڏيهي وزارت جي ترجمان اسماعيل بقائي هڪ پرڏيهي نشرياتي اداري کي انٽرويو ۾ چيو ته تهران ۽ واشنگٽن وچ ۾ پيغامن جي مٽاسٽا ۾ پاڪستان ۽ قطر سميت وچٿري ملڪ سرگرم ڪردار ادا ڪري رهيا آهن پر ايران جي ترجيح اڃا به حملن جي جواب ۾ پنهنجي خودمختياري جو دفاع ڪرڻ آهي. هن چيو ته ايران مفاهمتي ياداشت تحت 30 ڏينهن اندر آبنائے هرمز مان محفوظ گذرڻ کي يقيني بڻائڻ لاءِ پنهنجو فرض پورو ڪيو هو پر اهو دور ختم ٿيڻ کان اڳ ئي آمريڪا مبينا بحري واقعن کي جواز بڻائي نوان حملا شروع ڪري ڇڏيا. اسماعيل بقائي چيو ته گذريل سال ۾ اهو ٽيون ڀيرو آهي جڏهن ايران جي سفارتڪاري کي ڳالهين دوران حملن سان دغا ڏنو ويو آهي. پرڏيهي وزارت جي ترجمان وڌيڪ چيو ته آمريڪا مفاهمتي ياداشت جي تحت ايران جا منجمد اثاثا جاري نه ڪيا جڏهن ته معاهدي ۾ اها شرط رکي وئي هئي. اڳوڻي ميڊيا رپورٽن ۾ دعويٰ ڪئي وئي آهي ته ايران پاڪستان کي آگاهه ڪيو آهي ته هو آمريڪا سان جنيوا، دوحا يا اسلام آباد ۾ ڳالهين لاءِ تيار آهي. ذريعن جو چوڻ آهي ته ايران پاڪستان کي تصديق ڪئي آهي ته هو جنيوا، دوحا يا اسلام آباد ۾ آمريڪا سان ڳالهيون جاري رکڻ لاءِ تيار آهي ۽ اهي ڳالهيون مفاهمت جي ياداشت تحت جاري رهڻ گهرجن. ان ۾ وڌيڪ چيو ويو ته ايران چاهي ٿو ته ڳالهيون پهرين سطح تي آبنائي هرمز، ٻئي سطح تي ان جا منجمد اثاثا ۽ آخري سطح تي ايٽمي پروگرام هجن. رپورٽ موجب ايران طرفان پاڪستان کي چيو ويو آهي ته هو آبنائے هرمز ذريعي نئين ڪوريڊور ٺاهڻ جي قدم کي رد ڪري ٿو.
Source link
Leave a Comment Leave a Comment
