آمريڪي خزاني واري سيڪريٽري اسڪاٽ بيسنٽ خبردار ڪيو آهي ته جيڪي ڪمپنيون ايران جي ايئر لائنز سان ڪاروبار جاري رکنديون اهي آمريڪي پابندين جو شڪار ٿي سگهن ٿيون.
آمريڪي خزاني واري کاتي موجب، اهو قدم ايران تي جاري دٻاءُ واري پاليسي جو حصو آهي، جنهن جو مقصد ايران جي مالي ۽ لاجسٽڪ نيٽ ورڪ کي محدود ڪرڻ آهي. آفيسرن جو چوڻ آهي ته ڪجهه ايراني ايئر لائنز تي حساس سرگرمين ۾ ملوث هجڻ يا علائقي ۾ مخصوص گروپن جي مدد ڪرڻ جو الزام آهي.
ٻئي طرف ايران ان موقف کي رد ڪندي ان کي غير منصفانه ۽ سياسي دٻاءُ قرار ڏنو آهي. ايراني اختيارين موجب سندن ايئر لائنز عالمي قانونن موجب ڪم ڪري رهيون آهن.
تجزيه نگارن جو چوڻ آهي ته آمريڪا طرفان اهڙيون پابنديون عالمي ڪمپنين لاءِ خطرو بڻجي سگهن ٿيون، خاص طور تي جيڪي بين الاقوامي هوائي اڏي يا سپلائي چين ۾ شامل آهن.
ياد رهي ته آمريڪي پابندين جو دائرو گهڻو ڪري ثانوي پابندين تائين پکڙيل آهي، جنهن ۾ غير آمريڪي ڪمپنيون به متاثر ٿي سگهن ٿيون جيڪڏهن اهي ايران سان ڪاروبار جاري رکندا.
