آمريڪا ۾ ڀارتي ڪمپنيون ويزا جعلسازي ڪري رهيون آهن، ان حوالي سان وڏو اسڪينڊل سامهون آيو آهي.
ڀارتي ڪمپنين جي مالي ۽ سائبر فراڊ سڄي دنيا ۾ زور ورتو آهي ۽ هڪ کان پوءِ اسڪينڊل سامهون اچي رهيا آهن. H1B ويزا فراڊ ۾ هندستاني ڪمپنين جي ملوث هجڻ سبب مودي حڪومت آمريڪا ۾ به شرمندگي جو شڪار آهي.
ڀارتي اخبار انڊين ايڪسپريس موجب آمريڪا ۾ ايڇ ون بي ۽ پرم ويزا پروگرامن ۾ مبينا فراڊ جي وڏي جاچ شروع ٿي وئي آهي. آمريڪي اهلڪار موجب ڀارتي آءِ ٽي ڪمپني ڪاگنيزنٽ به جاچ هيٺ ڪمپنين ۾ شامل آهي.
انڊين ايڪسپريس موجب آمريڪي نائب صدر جي ڊي وينس جي سربراهي ۾ هڪ ٽاسڪ فورس جاچ ڪري رهي آهي. جعلي ويزا درخواستن ان اسڪيمن کي بي نقاب ڪيو آهي جيڪي غير ملڪي ڪارڪنن جو استحصال ڪن ٿا ۽ آمريڪي ڪارڪنن کي نقصان پهچائين ٿا.
آمريڪي ليبر ڊپارٽمينٽ جي انسپيڪٽر جنرل اينٿوني ڊي اسپوزيٽو موجب اسڪينڊل ۾ ملوث ڪمپنين کي سمن جاري ڪري ڪيترن ئي ڪيسن جي جاچ ڪئي پئي وڃي. هندستاني آئي ٽي ڪمپني Cognizant پڻ تحقيقات هيٺ ڪمپنين مان آهي.
آمريڪا ۾ ويزا فراڊ اسڪينڊل عالمي سطح تي ڀارت جي ڪوڙ، مالي ڪرپشن ۽ سائبر ڪرائم جي منظم ڪاروبار کي بي نقاب ڪري ڇڏيو آهي.
