آمريڪي صدر ڊونلڊ ٽرمپ جا سفير اسٽيو وٽڪوف ۽ جيرڊ ڪشنر آمريڪي ايٽمي ماهرن سان ملاقات لاءِ آمريڪي رياست ٽينيسي جو دورو ڪيو آهي.
ميڊيا رپورٽن موجب ٽيڪنيڪل ماهرن سان ملاقات بابت هڪ آمريڪي عهديدار جو چوڻ هو ته اوڪ ريج، ٽينيسي ۾ ايٽمي ماهرن سان ملاقات جو مطلب اهو ناهي ته ڪو معاهدو ٿيڻ وارو آهي، پر اها نشاني آهي ته ڳالهيون انتهائي سنگين مرحلي ۾ آهن ۽ اسان کي تيار رهڻ گهرجي.
اوڪ ريج يورينيم پروسيسنگ ۽ سينٽرفيوج ٽيڪنالاجي ۾ معروف ماهرن جو گھر آهي. رپورٽ ۾ چيو ويو آهي ته اجلاس لاءِ 100 ماهرن جي ٽيم گڏ ڪئي وئي.
گذريل هفتي، آمريڪي سفيرن ۽ ايراني اهلڪارن مبينا طور تي 60 ڏينهن جي معاهدي جي شرطن تي اتفاق ڪيو ته جنگبندي کي وڌائڻ، هرمز جي آبنائي کي ٻيهر کولڻ، ايراني تيل وڪرو ڪرڻ ۽ ايران جي افزوده يورينيم جي ذخيري ۽ مستقبل جي افزودگي جي حدن تي بحث ڪيو.
