صوماليا ۾ قزاقن پاران 57 ڏينهن کان يرغمال بڻيل پاڪستاني شهري جي وڊيو سامهون اچي وئي آهي، جنهن ۾ هن چيو آهي ته اسان لاءِ جيئڻ مشڪل ۽ موت آسان ٿي ويو آهي.
تفصيل موجب صوماليا ۾ قزاقن پاران يرغمال بڻيل آنر 25 ۾ سوار پاڪستاني سيڪنڊ آفيسر جي دل ڏاريندڙ وڊيو سامهون آئي آهي، جنهن ۾ هن چيو ته 2 مهينا گذري ويا آهن جڏهن ته پاڪستاني يرغمال صومالي قزاقن جي هٿان زندگي ۽ موت جي جنگ ۾ وقت گذاري رهيا آهن.
هن پاڪستان حڪومت کي فوري مدد جي اپيل ڪندي چيو ته اسان کي جيل ۾ 57 ڏينهن گذري ويا آهن، اسان جي حالت انتهائي نازڪ آهي، ڪيترائي اسٽاف ميمبر سخت بيمار ٿي پيا آهن، عملي جا ميمبر شوگر ۽ انفيڪشن ۾ مبتلا آهن ۽ هو وڌيڪ رهڻ جي قابل نه آهن.
هن چيو ته فيلڊ مارشل ۽ وزيراعظم پاڪستان کي مدد ڪرڻ گهرجي، اڄ اسان لاءِ جيئڻ مشڪل ۽ موت آسان آهي، اسان صرف سادا اڇي چانور ۽ آلوده پاڻي تي زندگي گذاري رهيا آهيون، جڏهن ته ڪمپني اسان کي ڪا به امداد ناهي موڪلي. اغوا ڪندڙ ڪنهن به ٽئين پارٽي سان رابطو ڪرڻ کان انڪار ڪن ٿا.
ٻئي آفيسر چيو ته اغوا ڪندڙ صرف اسان جي جهاز جي دستاويزن ۾ درج ڪمپني سان سڌو رابطو ڪرڻ چاهيندا آهن، اسان حڪومت کي مداخلت ڪرڻ جي درخواست ڪري رهيا آهيون ۽ اسان جي ڪمپني کي مجبور ڪيو ته ان جي عملدار جي ذميواري قبول ڪري.
هن چيو ته اسان کي زندهه رهڻ لاءِ وڏين مشڪلاتن کي منهن ڏيڻو پيو، ڪمپني خوراڪ يا دوائن جي حوالي سان ڪنهن به قسم جي مدد نه ڪئي آهي.
