اسلام آباد:
استنبول ۾ توانائي بابت اعليٰ سطحي اجلاس ۾ پاڪستان ۽ ترڪي توانائي جي شعبي ۾ سهڪار وڌائڻ تي اتفاق ڪيو، ترڪي توانائي جي شعبي ۾ سڌارن ۾ پاڪستان جي مدد ڪندو، پاڪستان ترڪ سيڙپڪارن کي توانائي جي شعبي ۾ سيڙپڪاري جي دعوت پڻ ڏني.
ايڪسپريس نيوز موجب استنبول ۾ پاڪستان ۽ ترڪي وچ ۾ توانائي جي شعبي بابت اعليٰ سطحي بين الصوبائي مشاورتي اجلاس ٿيو. پاڪستاني وفد ترڪي جي توانائي واري وزير الپرسلان برڪٽر جي دعوت تي استنبول ۾ اهم اجلاس ۾ شرڪت ڪئي. توانائي واري وزير سردار اويس لغاري ۽ نجڪاري بابت صلاحڪار محمد علي پاڪستاني وفد جي نمائندگي ڪئي.
پاڪستان ۽ ترڪي پاور ڊسٽري بيوشن ڪمپنين جي سڌارن ۽ نجڪاري بابت تفصيلي مشاورت ڪئي، ملاقات جو مقصد پاڪستان جي پاور سيڪٽر جي بحالي، ڪمرشلائيزيشن ۽ نجڪاري لاءِ عالمي تجربن کي استعمال ڪرڻ هو.
پاڪستان بجلي جي تقسيم ڪندڙ ڪمپنين جي نجڪاري لاءِ ترڪي جي ڪامياب ماڊل جو جائزو ورتو. اويس لغاري شفاف ۽ سيڙپڪار دوست پرائيويٽائيزيشن جي عمل لاءِ پنهنجي عزم کي ورجايو. اويس لغاري چيو ته ڊسڪوز ۾ سڌارا، گورننس جي بهتري ۽ ريگيوليٽري فريم ورڪ کي مضبوط ڪرڻ تي ڪم ڪيو پيو وڃي.
ترڪي پاڪستان جي توانائي شعبي جي سڌارن ۾ ٽيڪنيڪل مدد جي آڇ ڪئي. ترڪ توانائي واري وزير پاڪستاني اختيارين ۽ ترڪ ڪمپنين وچ ۾ لاڳاپا وڌائڻ جو يقين ڏياريو. ترڪي نجڪاري ۽ بجلي جي ورڇ واري شعبي ۾ پنهنجا تجربا پاڪستان سان شيئر ڪندو.
پاڪستان ۽ ترڪي توانائي جي شعبي ۾ ادارتي تعاون وڌائڻ تي اتفاق ڪيو. ترڪي جي نجي سيڙپڪارن کي پاڪستان جي پاور سيڪٽر ۾ سيڙپڪاري لاءِ همٿايو ويندو، ٻنهي ملڪن ريگيوليٽري ماهرن جي مٽاسٽا، گورننس ۽ نجڪاري جي بهترين طريقن تي اتفاق ڪيو ۽ پاڪستان جي پاور سيڪٽر جي مالياتي استحڪام ۽ ڪارڪردگي کي بهتر بڻائڻ لاءِ تعاون وڌائڻ جو فيصلو ڪيو.
پاڪستان ۽ ترڪي توانائي جي شعبي ۾ ڊگهي مدي واري ڀائيواري کي فروغ ڏيڻ تي اتفاق ڪيو. پاڪستان پاور سيڪٽر سڌارن لاءِ ترڪي جي تجربن مان فائدو کڻڻ جو فيصلو ڪيو آهي.
پاڪستان ۽ ترڪي توانائي جي شعبي ۾ سهڪار وڌائڻ تي اتفاق ڪيو. ترڪ سيڙپڪارن کي پاڪستان جي پاور سيڪٽر ۾ سيڙپڪاري جي دعوت پڻ ڏني وئي.
ملاقات دوران پاڪستان ۽ ترڪي جي توانائي شعبي جي ادارن وچ ۾ توانائي جي شعبي ۾ ادارتي تعاون کي هٿي وٺرائڻ جي مقصد سان 3 مفاهمتي يادداشتن تي صحيحون ڪيون ويون.
انهن ۾ ISMO ۽ EPIAŞ جي وچ ۾ مفاهمت جي ياداشت، ISMO ۽ TEİAŞ جي وچ ۾ مفاهمت جي ياداشت ۽ PPMC ۽ TEDAŞ جي وچ ۾ مفاهمت جي ياداشت شامل آهن.
معاهدن ۾ پرائيويٽائيزيشن کانپوءِ گورننس فريم ورڪ، پاور مارڪيٽ ڊولپمينٽ ۽ انسيلري سروسز ريگيوليشن تي تعاون، پاور سسٽم جي آپريشنز ۽ ٽرانسميشن پلاننگ ۾ تعاون وڌائڻ، بجلي جي ورڇ واري شعبي جي انتظام ۽ ڊجيٽلائيزيشن تي تعاون، ادارن جي صلاحيت وڌائڻ ۽ ٽيڪنيڪل ماهرن جو تبادلو شامل آهن.
اويس لغاري ايم او يوز تي صحيحن جي آجيان ڪئي. وفاقي وزير توانائي جي ادارن جي مضبوطي لاءِ پارٽنرشپ کي اهم قرار ڏيندي چيو ته پاڪستان ترڪي جي بجلي مارڪيٽ سڌارن جي تجربن مان فائدو حاصل ڪندو، پاڪستان ٽرانسميشن سسٽم جي ترقي ۽ ڊسٽري بيوشن شعبي کي جديد بڻائڻ جي تجربن مان سکندو.
اويس لغاري موجب گڏيل تعاون سان ڪارڪردگي، سروس ڊليوري ۽ گورننس ۾ بهتري ايندي، ترڪي طرفان ڊگهي مدي واري ادارتي سهڪار جي عزم جو اظهار ڪيو ويو آهي، مفاهمتي يادداشتن تي گڏيل ٽيڪنيڪل قدمن ۽ ماهرن جي مٽاسٽا لاءِ راهه هموار ٿيندي، معاهدا تربيتي پروگرامن، مطالعاتي دورن ۽ گڏيل منصوبن کي فروغ ڏيندا.
