آمريڪي صدر ايران کي پيغام ڏنو آهي ته هو هاڻي اسرائيل تي حملا بند ڪري ۽ ڳالهين جي ميز تي اچي ۽ معاهدو ڪري.
ميڊيا رپورٽن موجب آمريڪي صدر ڊونلڊ ٽرمپ فاڪس نيوز کي ڏنل انٽرويو ۾ چيو آهي ته ايران ميزائل فائر ڪيا آهن، ان ڪري هاڻي ان کي بند ڪيو وڃي ۽ ڳالهين جي ميز تي اچي هڪ معاهدو ڪيو.
ساڳئي وقت، هن وڌيڪ چيو ته ڳالهين هڪ طرف اڳتي وڌي رهيا آهن جتي هن هفتي جي 8، 9 يا 10 تاريخ تي هڪ معاهدي ڏانهن اڳڀرائي ممڪن آهي.
لبنان تي جاري حملي کي جنگ بندي جي ڀڃڪڙي قرار ڏيندي ايران اسرائيل جي سرزمين تي جوابي ميزائل حملو ڪيو، جنهن تي ٽرمپ اسرائيل کي خبردار ڪيو هو ته هو جوابي ڪارروائي نه ڪن، پر اسرائيل حملو ڪيو.
ايران اتر اسرائيل ڏانهن اٽڪل 10 بيلسٽڪ ميزائل فائر ڪيا.
