انگلينڊ ميڪولم کي ٽيسٽ ٽيم جي هيڊ ڪوچ تان هٽائي ڇڏيو

انگلينڊ ڪرڪيٽ بورڊ برينڊن ميڪولم کي ٽيسٽ ٽيم جي هيڊ ڪوچ جي عهدي تان هٽائي ڇڏيو آهي پر هو انگلينڊ جي وائيٽ بال ٽيم جي هيڊ ڪوچ جون ذميواريون نڀائيندو رهندو. برينڊن ميڪولم کي مئي 2022ع ۾ انگلينڊ ٽيسٽ ٽيم جو هيڊ ڪوچ مقرر ڪيو ويو، سندس ڪوچنگ هيٺ انگلينڊ 49 ٽيسٽ ميچون کيڏيون، جنهن ۾ هن 27 ۾ فتح، 20 ۾ شڪست ۽ 2 ميچون ڊرا ڪيون. ميڪولم جي دور ۾، انگلينڊ هڪ جارحاڻي انداز جي راند تي ڌيان ڏنو "بيس بال" حڪمت عملي متعارف ڪرائي، جنهن شروعاتي دور ۾ ٽيم کي نمايان ڪاميابيون ڏنيون، پر هاڻوڪي دور ۾ ٽيم جي ڪارڪردگي ۾ نمايان گهٽتائي ڏسڻ ۾ آئي آهي. انگلينڊ پنهنجي آخري نو ٽيسٽ مان 7 وڃائي چڪو آهي، جنهن ۾ آسٽريليا خلاف 2025-26 ايشز سيريز ۾ 4-1 جي شڪست ۽ گذريل مهيني نيوزيلينڊ جي گهر ۾ 2-1 سيريز جي شڪست شامل آهي. انگلينڊ ڪرڪيٽ بورڊ پاڪستان خلاف ايندڙ ٽيسٽ سيريز کان اڳ نئين ٽيسٽ هيڊ ڪوچ ۽ نئين ٽيسٽ ڪپتان جو اعلان ڪندو. تازو ئي بين اسٽوڪس نيوزيلينڊ خلاف سيريز کانپوءِ انٽرنيشنل ڪرڪيٽ تان رٽائرمينٽ جو اعلان ڪيو هو، جنهن کانپوءِ ٽيسٽ ٽيم جي قيادت به خالي ٿي وئي آهي.



Source link