ايران جي پاسداران انقلاب هڪ ئي ڏينهن ۾ ٽن مختلف جهازن کي نشانو بڻايو، جن مان ٻن کي پاڻ سان گڏ کڻي ويا.
وانگارڊ موجب اڄ صبح آبنائے هرمز ۾ هڪ ٻي مال بردار جهاز کي نشانو بڻايو ويو، جنهن سان متاثر جهازن جو انگ 3 ٿي ويو آهي.
پاناما جي پرچم بردار ايم ايس سي فرانسيڪا تي ان وقت حملو ٿيو جڏهن اهو آبنائے هرمز کان اومان جي نار طرف وڃي رهيو هو.
بيان ۾ چيو ويو آهي ته واقعو ايران جي ساحل کان 6 ناٽيڪل ميل پري پيش آيو. جڏهن ته ايران جي انقلابي گارڊ جهاز کي روڪيو ۽ ان کي لنگر انداز ڪرڻ جو حڪم ڏنو.
عالمي ميڊيا موجب انقلابي گارڊز جهاز کي روڪڻ لاءِ فائرنگ پڻ ڪئي، جنهن سبب ان جي ڍانچي ۽ رهائشي حصي کي سخت نقصان پهتو پر اڃا تائين وڌيڪ تفصيل سامهون نه آيا آهن.
ٻئي طرف ايراني ميڊيا دعويٰ ڪئي آهي ته آبنائي هرمز ۾ تازين واقعن ۾ 3 جهازن کي نشانو بڻايو ويو، جن مان 2 کي پڪڙي معائني لاءِ ايران جي سامونڊي حدن ۾ آندو ويو.
ايراني خبر رساں ايجنسي فارس موجب، هڪ ٻيڙي ”يوفوريا“ کي نشانو بڻايو ويو، جيڪو هاڻ ايران جي ساحل جي ويجهو ڦاسي پيو آهي.
اهو وڌيڪ ٻڌايو ويو آهي ته ايم ايس سي فرانسيڪا ۽ ايپاميننڊس کي پڪڙيو ويو ۽ ايراني ساحل ڏانهن منتقل ڪيو ويو.
ايراني ميڊيا موجب جهازن کي فائرنگ کان اڳ وارننگ ڏني وئي هئي.
تفصيل موجب هن وقت تائين ريووليشنري گارڊز پاران نشانو بڻيل پهريون جهاز يونان، جڏهن ته ٻيو گڏيل عرب امارات ۽ ٽيون پاناما جو آهي پر انهن ٽنهي ملڪن ان جي ترديد يا تصديق ناهي ڪئي.
