سي آءِ اي جي تازي رپورٽ ۾ انڪشاف ڪيو ويو آهي ته ايران مهينن تائين آمريڪي بحري بندش کي منهن ڏئي سگهي ٿو.
ميڊيا رپورٽن موجب ان معاملي کان واقف هڪ آمريڪي اهلڪار جو چوڻ آهي ته سي آءِ اي جي هڪ جائزي ۾ چيو ويو آهي ته ايران وڌيڪ 4 مهينن تائين ايراني بندرگاهن جي آمريڪي بندش سبب سخت معاشي دٻاءُ برداشت ڪري سگهي ٿو.
آمريڪي اهلڪار موجب تجويز ڏني وئي آهي ته ايران تي آمريڪي دٻاءُ محدود آهي ڇو ته ايران جنگ آمريڪي ووٽرن ۾ غير مقبول آهي.
واضح رهي ته واشنگٽن آمريڪي تجويز تي تهران جي جواب جو انتظار ڪري رهيو آهي جنهن ۾ ايران جي ايٽمي پروگرام سميت وڌيڪ تڪراري معاملن تي بحث کان اڳ جنگ جو باضابطه طور خاتمو ٿي ويندو.
