پاور ڊويزن جي ترجمان بجلي صارفين کي اهم خبر ڏيندي چيو آهي ته بروقت ۽ موثر قدمن جي ڪري جون ۾ بجلي جي اگهن ۾ ڪو به اضافو نه ٿيندو.
بيان ۾ چيو ويو آهي ته بجلي صارفين کي 5 کان 6 رپيا في يونٽ في يونٽ فيول ايڊجسٽمينٽ جي بار کان بچايو ويو آهي. ايل اين جي جي بندش ۽ مهانگو فرنس آئل جي استعمال باوجود بجلي استعمال ڪندڙن تي ڪو به اضافي بار نه پوندو.
پاور ڊويزن طرفان جاري ڪيل پڌرائيءَ موجب صارفين تي 38 ارب رپين جي اضافي بوجھ کان بچيو ويو آهي، جنهن سبب ماهوار فيول ايڊجسٽمينٽ جي مد ۾ 1.73 رپيا في يونٽ واڌ ڪئي وئي آهي.
ترجمان موجب پاليسين جي تسلسل، بجلي جي طلب ۾ واڌ ۽ اسپيشل پيڪيج جي ڪري صارفين کي رليف ڏنو ويو آهي. مقامي گيس جي اضافي فراهمي ۽ درآمد ٿيل ڪول پلانٽس مان جنريشن ذريعي لوڊ مينيجمينٽ ۾ به گهٽتائي ڪئي وئي.
پاور ڊويزن جي ترجمان چيو ته پهرين ٽه ماهي ۾ بجلي صارفين کي 65 ارب رپيا واپس ڪرڻ ممڪن ٿي ويو آهي. پهرين ٽه ماهي جي ايڊجسٽمينٽ جي ڪري صارفين کي 1.93 رپيا في يونٽ رليف ڏنو ويو. ترجمان موجب ٽه ماهي ايڊجسٽمينٽ نه رڳو ماهوار فيول ايڊجسٽمينٽ جا اثر مڪمل طور تي ختم ڪري ڇڏيا آهن پر انتهائي مشڪل حالتن جي باوجود وڌيڪ رليف فراهم ڪيو آهي.
ترجمان جو چوڻ آهي ته ايندڙ مهيني ريفرنس ٽيرف ۾ ڪو به اضافو نه ٿيندو پر 20 پئسن جو رليف ملڻ جو به امڪان آهي.
