SIFC جي سهڪار سان توانائي جي فراهمي ۽ ٽرانسميشن سسٽم کي بهتر بڻائڻ جي لاءِ اهم اڳڀرائي ٿي آهي.
اسپيشل انويسٽمينٽ فيلٽي ڪائونسل جي موثر سهڪار جي نتيجي ۾ ماچيڪي-ٿيلين-تارو جبا وائيٽ آئل پائپ لائن منصوبي جي منظوري عمل ۾ اچي وئي آهي.
وائيٽ آئل پائپ لائن منصوبو ملڪ جي ڏاکڻي ۽ اترين حصن جي وچ ۾ تيل جي نقل و حمل لاءِ هڪ اهم ۽ اسٽريٽجڪ ڪوريڊور فراهم ڪندو، پاڪستان ۾ توانائي جي رابطن ۽ تيل جي نقل و حمل جي نظام کي وڌيڪ مضبوط ڪندو.
اختيارين موجب وائيٽ آئل پائپ لائن منصوبي سان فيول سپلائي سسٽم کي وڌيڪ موثر ٿيندو جڏهن ته ترسيل خرچن ۾ به گهٽتائي ايندي. ان منصوبي کي ملڪ جي انرجي سڪيورٽي کي مضبوط ڪرڻ ۽ انرجي انفراسٽرڪچر جي ترقي لاءِ هڪ اهم قدم قرار ڏنو پيو وڃي.
پائيپ لائين منصوبي سان نه رڳو توانائي جي شعبي ۾ سهولت ملندي پر روزگار جا نوان موقعا به پيدا ٿيندا ۽ سيڙپڪارن جو اعتماد به وڌندو.
ڪائونسل سيڙپڪاري کي هٿي وٺرائڻ ۽ بنيادي ڍانچي جي اهم منصوبن کي مڪمل ڪرڻ ۾ اهم ڪردار ادا ڪري رهي آهي ۽ وائيٽ آئل پائيپ لائين منصوبي جي منظوري ان سلسلي جي هڪ اهم ڪڙي آهي.
