معرفت الحق جي هڪ سال مڪمل ٿيڻ تي فرنٽ لائين تي خدمتون سرانجام ڏيندڙن پنهنجا ويچار ونڊيا.
نائب صوبيدار محمد عمران چيو ته هو جنگ حق ۾ زيرو لائين تي پوسٽ ڪمانڊر جا فرض سرانجام ڏئي رهيو هو.
هن چيو ته اسان جي سخت فائرنگ سان دشمن جي حالت خراب ٿي وئي، دشمن جو مورال گريو ۽ جوابي فائرنگ ڪرڻ جي همت نه ٿي.
محمد عمران جو چوڻ هو ته ان دوران دشمن جي توپخاني جي فائرنگ ۾ زخمي ٿي پيو، ايترو ته جوش ۾ هو جو محسوس ئي نه ٿيو ته ڪو زخم آهي، منهنجي ساٿي مون کي زخم جي باري ۾ ٻڌايو ۽ مرهم لڳايو.
نائب صوبيدار محمد عمران کي جنگ ۾ شاندار ڪارڪردگيءَ تي بسالت ميڊل سان نوازيو ويو.
حق جي جنگ دوران خدمت لاءِ وقف ڪيل سماجي ڪارڪن مير شفيق الرحمان پنهنجي جذبات جو اظهار ڪندي چيو ته هن جنگِ حق ۾ فرنٽ لائن ريسڪيو ٽيم جي حيثيت سان خدمتون سرانجام ڏنيون.
شفيق الرحمان جو چوڻ هو ته ڀارتي شيلنگ دوران شهري آبادي کي محفوظ هنڌن تي پهچائڻ جو ڪم ڪيو، ماڻهن کي ڪميونٽي بنڪرز ۾ منتقل ڪيو ۽ کاڌي پيتي جو بندوبست پڻ ڪيو.
هن چيو ته ملڪ خاطر عوام جي هر ڏکيائي ۾ خدمت ڪرڻ لاءِ حاضر آهيان.
