پاڪستان جي سينيئر ورسٽائل اداڪارا بشرا انصاري پنهنجي صلاحيتن جي ڪري شوبز انڊسٽري ۾ نمايان حيثيت رکي ٿي.
هوءَ پنهنجي يوٽيوب ويلاگز ۾ سماجي ۽ بين الاقوامي مسئلن تي پنهنجي خيالن جو کليل اظهار ڪندي آهي.
هڪ تازي ويلاگ ۾، هن سعودي اختيارين تي عمره ۽ حج جي زائرين سان نامناسب رويي جو الزام لڳايو آهي.
هن چيو ته الله پاڪ سعودي عرب کي مقدس جڳهن جي صورت ۾ وڏي نعمت ڏني آهي پر اتي جا ماڻهو ان جو قدر نٿا ڪن جيئن ٻيا مسلمان ڪن ٿا.
هن وڌيڪ چيو ته ڪڏهن ڪڏهن سڪيورٽي اهلڪار به زيارتين سان سخت رويو رکن ٿا ۽ کين دٻائيندي به ڏٺو ويو آهي.
بشرا انصاري چيو ته مقدس هنڌن تي مقرر عملو نرمي ۽ احترام جو مظاهرو ڪري ته جيئن زائرين کي بهتر تجربو حاصل ٿئي.
