وفاقي حڪومت درآمدي سامان جي ڪارگو ڊيڪليئريشن ۾ درآمد ڪندڙن جي سڃاڻپ بابت نئين معلومات شامل ڪرڻ کي لازمي قرار ڏئي ڇڏيو آهي، جنهن لاءِ ڪسٽم رولز 2001 ۾ وڌيڪ ترميمون ڪيون ويون آهن.
فيڊرل بورڊ آف روينيو ڪسٽم رولز ۾ ترميم جو نوٽيفڪيشن جاري ڪري ڇڏيو آهي، ايف بي آر طرفان جاري ڪيل نوٽيفڪيشن تحت درآمدي سامان جي ڪارگو ڊڪليئريشن ۾ درآمد ڪندڙن جي سڃاڻپ بابت نئين معلومات شامل ڪرڻ کي لازمي قرار ڏنو ويو آهي.
فيڊرل بورڊ آف روينيو (ايف بي آر) طرفان جاري ڪيل نوٽيفڪيشن موجب اهي ترميمون ڪسٽم ايڪٽ 1969، سيلز ٽيڪس ايڪٽ 1990، فيڊرل ايڪسائيز ايڪٽ 2005 ۽ انڪم ٽيڪس آرڊيننس 2001 تحت ڪيون ويون آهن.
تجويز ڪيل تبديلين جي مطابق، ڪارگو ڊيڪليئريشن (IGM) ۾ Consignee City کان پوءِ ٻه نوان ڪالم شامل ڪيا ويندا جن ۾ درآمد ڪندڙن لاءِ قومي شناختي ڪارڊ يا پاسپورٽ نمبر داخل ٿيڻ لازمي آهي جيڪي NTN يا FTN جي تابع نه آهن.
NTN يا FTN نمبر مهيا ڪرڻ لازمي هوندو درآمد ڪندڙن لاءِ لاڳاپيل قانونن تحت رجسٽر ٿيڻ جا پابند. نوٽيفڪيشن موجب اهي ترميمون 15 آگسٽ 2026ع کان ملڪ جي سمورن سامونڊي بندرگاهن ۽ بارڊر ڪسٽم اسٽيشنن تي لاڳو ٿينديون جڏهن ته ايئرپورٽس تي جمع ڪرايل آءِ جي ايمز کي ان درخواست کان استثنيٰ حاصل هوندو.
