خيبرپختونخواهه حڪومت نئين مالي سال 27-2026ع جي بجيٽ ۾ 5 مرله تائين رهائشي ۽ ڪمرشل پراپرٽي ۽ گهٽ آمدني وارن ملازمن لاءِ ٽيڪس ڇوٽ جي تجويز ڏني آهي ۽ بجيٽ ۾ ڪو به نئون ٽيڪس نه لڳائڻ جو اعلان ڪيو آهي. خيبرپختونخواهه جي وڏي وزير محمد سهيل آفريدي بجيٽ تقرير ۾ چيو ته خيبرپختونخواهه حڪومت ايندڙ مالي سال جي بجيٽ ۾ ڪو به نئون ٽيڪس نه لڳايو آهي، صوبائي حڪومت انفراسٽرڪچر ڊولپمينٽ سيس جي شرح 2 سيڪڙو مان گهٽائي 0.75 سيڪڙو ڪرڻ جي تجويز ڏني آهي. هن چيو ته 5 مرله تائين جي رهائشي ۽ ڪمرشل ملڪيتن کي پراپرٽي ٽيڪس کان ڇوٽ ڏيڻ جي تجويز ڏني وئي آهي. بجيٽ تقرير ۾ چيو ويو ته هوٽل بيڊ ٽيڪس 7 سيڪڙو مان گهٽائي 5 سيڪڙو ڪرڻ ۽ گهٽ ۾ گهٽ ماهوار آمدني رکندڙن تي پروفيشنل ٽيڪس ختم ڪرڻ، گريڊ 1 کان 6 تائين جي ملازمن کي پروفيشنل ٽيڪس کان ڇوٽ ڏيڻ جي تجويز ڏني وئي آهي. وڏي وزير چيو ته صنعتي عمارتن لاءِ ٽيڪس جي بقايائن تي 30 سيڪڙو ڇوٽ جي تجويز ڏني وئي آهي. خيبرپختونخواهه حڪومت اڳوڻي فاٽا ۽ پاٽا لاءِ ٽيڪس رليف پاليسي برقرار رکندي چيو آهي ته ايندڙ مالي سال لاءِ فاٽا ۽ پاٽا تي ڪو به نئون ٽيڪس نه لڳايو ويو آهي.
Source link
Leave a Comment Leave a Comment
