بنگلاديش ڪرڪيٽ بورڊ جي انٽيگريٽي يونٽ هڪ ڊوميسٽڪ ڪرڪيٽر سميت چئن ماڻهن تي آءِ سي سي جي اينٽي ڪرپشن ضابطه اخلاق جي ڀڃڪڙي جو الزام لڳايو آهي. ڪرڪ انفو موجب بورڊ طرفان جاري ڪيل پريس رليز ۾ نوڪلي ايڪسپريس جي ڪو اونر توحيد الحق سان گڏ ڪرڪيٽر اميت مجمدار ۽ ٽيم مئنيجر لبالرحمٰن ۽ رضوان ڪبير صديقي جا نالا سامهون آيا آهن. انهن ماڻهن تي بيٽنگ سان لاڳاپيل سرگرمين ۾ ملوث هجڻ، بدعنواني جي عملن، ڊيمانڊ نوٽيس تي عمل ڪرڻ ۾ ناڪامي، لاڳاپيل رابطن کي لڪائڻ ۽ ختم ڪرڻ ۽ اينٽي ڪرپشن آفيسرن سان عدم تعاون جا الزام هنيا ويا. انهن ماڻهن کي عارضي طور تي معطل ڪيو ويو آهي. بيان موجب جوابدارن کي معطل ڪيو ويو آهي ۽ الزامن جو جواب ڏيڻ لاءِ 14 ڏينهن جو وقت ڏنو ويو آهي. ٻئي طرف چٽوگرام رائلز جي سمين الرحمان تي 26-2025ع ۾ بيٽنگ ۽ ٻين معاملن ۾ ملوث هجڻ تي تاحيات پابندي لڳائي وئي آهي.
Source link
Leave a Comment Leave a Comment
