نئين تحقيق ۾ انڪشاف ٿيو آهي ته فضا ۾ ترندڙ رنگين پلاسٽڪ جا نفيس ذرڙا شايد سائنسدانن جي سوچ کان وڌيڪ سج جي روشني جذب ڪن ٿا، جيڪو انسانيت سبب پيدا ٿيندڙ گلوبل وارمنگ ۾ وڌيڪ ڪردار ادا ڪري ٿو. هن مهيني سائنسي جرنل نيچر ڪلائميٽ چينج ۾ شايع ٿيل تحقيق موجب هوا ۾ موجود مائڪرو پلاسٽڪ ۽ نانوپلاسٽڪ (خاص ڪري رنگين ذرڙا) ڌرتيءَ جي گرمي پد ۾ نمايان اضافو ڪري سگهن ٿا. واشنگٽن پوسٽ جي مطابق، محقق دريافت ڪيو آهي ته پلاسٽڪ جا اهي نفيس ذرڙا ‘بليڪ ڪاربن’، سوٽ ذريعي پيدا ٿيندڙ گرمي جي ڇهين حصي جي برابر اثر رکن ٿا. رنگ تحقيق ۾ هڪ اهم عنصر ثابت ٿيو. اڇا ذرڙا اڪثر روشنيءَ کي پوئتي ڌڪي ڇڏيندا آهن، جڏهن ته اونداهي رنگ جي پلاسٽڪ سج جي روشني جذب ڪندي آهي، ايتري قدر جو بي رنگ پلاسٽڪ جي ڀيٽ ۾ 75 ڀيرا وڌيڪ جذب ڪنديون آهن. مائڪروپلاسٽڪ اڳ ۾ ئي پيئڻ جي پاڻي، سامونڊي جانورن، انساني جسمن ۽ انٽارڪٽڪ جي برف ۾ به دريافت ٿي چڪا آهن. هاڻ هن نئين تحقيق مان ظاهر ٿئي ٿو ته مسئلو رڳو آلودگي تائين محدود ناهي پر اهي ذرات ڌرتيءَ جي وڌندڙ گرمي پد ۾ به حصو وٺي رهيا آهن. هي خاص طور تي انهن علائقن لاءِ پريشان ڪندڙ خبر آهي جيڪي اڳ ۾ ئي سخت گرمي جي لهرن، وڌندڙ بجلي جي بلن ۽ موسمي آفتن جو تجربو ڪري رهيا آهن. ڇاڪاڻ ته گرميءَ ۾ معمولي واڌ به انساني صحت، کاڌي ۽ پاڻي جي نظام ۽ محفوظ رهڻي ڪهڻي کي وڌيڪ ڏکيو بڻائي سگهي ٿي.
Source link
Leave a Comment Leave a Comment
