موسميات کاتي جو چوڻ آهي ته سنڌ صوبي جي اڪثر ضلعن ۾ سڀاڻي تائين وچولي کان سخت گرمي جي لهر برقرار رهڻ جو امڪان آهي، جڏهن ته صوبي جي ڪجهه ضلعن ۾ ڪجهه هنڌن تي تيز هوائن ۽ گجگوڙ سان گڏ هلڪي برسات جو به امڪان آهي.
ان جي اثر هيٺ ڪر، قمبر، شهدادڪوٽ، جيڪب آباد، دادو، شهيد بينظير آباد، نوشهروفيروز ۾ گرمي پد 47 کان 50 ڊگري سينٽي گريڊ تائين وڌڻ جو امڪان آهي.
ٿرپارڪر، بدين، حيدرآباد، مٽياري، ٽنڊي محمد خان، عمرڪوٽ، ميرپورخاص، ڄامشورو، سانگهڙ ضلعن ۾ وڌ ۾ وڌ گرمي پد 44 کان 47 ڊگري سينٽي گريڊ رهڻ جو امڪان آهي.
ملڪ جي مٿانهين علائقن ۾ سخت گرمي ۽ الهندي هوائن سبب پهرين جون تي قمبر، شهدادڪوٽ، دادو، ميرپورخاص ۽ ٿر جي ضلعن ۾ ڪجهه هنڌن تي هلڪي برسات جو امڪان آهي.
ڪراچي ۾ ايندڙ ٽن ڏينهن دوران موسم گرم ۽ خشڪ رهندي، وڌ کان وڌ گرمي پد 35 کان 37 ڊگري سينٽي گريڊ رڪارڊ ڪيو ويو.
صبح جو هوا ۾ نمي جو تناسب 80 سيڪڙو جڏهن ته شام جو اهو 70 سيڪڙو ٿي سگهي ٿو. موسميات کاتي جو چوڻ آهي ته سامونڊي هوائون ايندڙ ڪجهه ڏينهن دوران مڪمل طور تي سرگرم رهنديون.
