سوات ايڪسپريس وي تي ٽريفڪ حادثي جي نتيجي ۾ موٽر وي پوليس اهلڪار ۽ هڪ ڇوڪري فوت، 4 ڄڻا زخمي ٿي پيا.
اختيارين موجب افسوسناڪ ٽريفڪ حادثو سوات ايڪسپريس وي تي کٽلنگ ويجهو پيش آيو، سب انسپيڪٽر نظام الدين ۽ سب انسپيڪٽر اڪبر علي معمول جي رفتار تي ڊيوٽي ڪري رهيا هئا ته تيز رفتار ڪار کين ٽڪر هنيو، جنهن سبب موٽر وي پوليس جي گاڏي روڊ ڪناري برساتي نالن ۾ ڪري پئي.
حادثي ۾ سب انسپيڪٽر نظام الدين سخت زخمي ٿي پيو، جڏهن ته سب انسپيڪٽر اڪبر علي ۽ فائن ڪليڪشن آفيسر سخت زخمي ٿي پيا.
اهڙي طرح حادثي ۾ موٽر وي پوليس جي گاڏي سان ٽڪرائجندڙ ڪار ۾ سوار ڇوڪري پڻ فوت ٿي وئي ۽ ڇوڪريءَ جا والدين پڻ زخمي ٿي پيا.
سمورن زخمين کي فوري طور مردان ميڊيڪل ڪامپليڪس منتقل ڪيو ويو، جتي سندن علاج ڪيو پيو وڃي. شروعاتي جاچ موجب حادثو ڪار ڊرائيور جي مبينا غفلت ۽ تيز رفتاري سبب پيش آيو.
