سون جي قيمت ۾ گهٽتائي جو سلسلو جاري، في تولا ڪيترو ٿي ويو؟

آمريڪا ۽ ايران وچ ۾ حملن جو سلسلو جاري رهڻ سبب آبنائے هرمز جي بندش، خام تيل جي عالمي قيمت 100 ڊالر في بيرل جي سطح تي پهچي وڃڻ، آمريڪي فيڊرل ريزرو جي ايندڙ هفتي اجلاس کان اڳ اعليٰ سود جي شرح، عالمي ۽ مقامي ڪرنسي مارڪيٽن ۾ سون ۽ چاندي جي قيمتن ۾ گهٽتائي جو رجحان جاري آهي. عالمي بلين مارڪيٽ ۾ سون جي في اونس قيمت 46 ڊالرن جي گهٽتائي سان 4 هزار 500 ڊالر ٿي وئي. گهٽتائي سبب سون جو في تولو اگهه 4 هزار 600 رپيا گهٽتائي سان 4 لک 27 هزار 436 رپيا ۽ سون جو في 10 گرام اگهه 3 هزار 944 رپيا گهٽتائي سان 3 لک 66 هزار 457 رپيا ٿي ويو. اهڙي طرح عالمي مارڪيٽ ۾ چاندي جو اگهه 61 سينٽ جي گهٽتائي سان 58.30 ڊالر في اونس ٿي ويو. جڏهن ته چاندي جو في تولو اگهه 61 رپيا گهٽجي 6 هزار 309 رپيا ۽ چاندي جو في 10 گرام اگهه 53 رپيا گهٽتائي سان 5 هزار 408 رپيا ٿي ويو آهي.



Source link