اسلام آباد:
چيف جسٽس سپريم جوڊيشل ڪائونسل جو اجلاس طلب ڪري ورتو.
ايڪسپريس نيوز موجب چيف جسٽس آف پاڪستان جسٽس يحيٰ آفريدي سپريم جوڊيشل ڪائونسل جو اجلاس 14 مئي تي طلب ڪري ورتو آهي.
ذريعن موجب هن اهم اجلاس ۾ ججن خلاف التوا واري شڪايتن جو جائزو ورتو ويندو. ان کان علاوه سپريم جڊيشل ڪائونسل جي هن اجلاس ۾ اسلام آباد هاءِ ڪورٽ جي اڳوڻي 6 ججن جي خط تي به غور ڪيو ويندو.
واضح رهي ته اسلام آباد هاءِ ڪورٽ جي ججن جي بدلين بابت جڊيشل ڪميشن جي گذريل اجلاس ۾ اهم اڳڀرائي جو انڪشاف ٿيو هو، جنهن موجب جسٽس بابر ستار جڊيشل ڪميشن جي سربراهه جي حيثيت سان چيف جسٽس يحيٰ آفريدي کي خط لکيو هو، جنهن ۾ هن تبادلي واري معاملي تي ذاتي طور تي ٻڌڻي ڪرڻ جي درخواست ڪئي هئي.
ذريعن موجب جسٽس بابر ستار پنهنجي خط ۾ موقف اختيار ڪيو هو ته آئين جي آرٽيڪل 200 تحت بدلي واري معاملي تي فيصلو ڪرڻ کان اڳ کيس ڪميشن جي اجلاس ۾ ٻڌو وڃي.
ذريعن جو اهو به چوڻ آهي ته چيف جسٽس يحيٰ آفريدي ججن جي بدلي لاءِ اجلاس گهرائڻ جي مخالفت ڪئي هئي پر سپريم جڊيشل ڪائونسل جو آخري اجلاس چيف جسٽس سرفراز ڊوگر جي 5 ميمبرن جي ريڪيوزيشن تي طلب ڪيو ويو هو.
