پاڪستاني اداڪاره عائشه عمر سوشل ميڊيا تي پاڻ سان منسوب ڪوڙي بيان جي سختي سان ترديد ڪندي واضح ڪيو آهي ته هوءَ ڪڏهن به بي وفائي يا غير شادي شده لاڳاپن جي حمايت نٿي ڪري سگهي.
تازو ئي سوشل ميڊيا تي هڪ من گھڙت بيان گردش ڪري رهيو هو جنهن ۾ دعويٰ ڪئي وئي هئي ته عائشه عمر چيو آهي ته ”جن مردن کي گهر ۾ سڪون نه ٿو ملي انهن کي گهر کان ٻاهر تعلقات رکڻ گهرجن.
عائشه عمر انسٽاگرام تي ان بيان کي مڪمل ڪوڙ قرار ڏيندي چيو ته اهو سراسر سندس شخصيت، قدرن ۽ آدرشن جي خلاف آهي. هن واضح ڪيو ته ٺڳي ۽ غير شادي شده لاڳاپا ڪنهن به صورت ۾ قبول ناهن.
اداڪارا عوام کي اپيل ڪئي ته غلط خبرون پکيڙڻ کان اڳ حقيقتن جي تصديق ڪري.
