عامر خان سازش تحت هندو ڇوڪرين سان شادي ڪري رهيو آهي، هندوتوا تنظيم سبق سيکارڻ جو اعلان ڪري ڇڏيو

هندوتوا تنظيم بالي ووڊ اداڪار عامر خان کي هندو عورت سان ٽين شادي ڪرڻ تي سبق سيکارڻ جو اعلان ڪيو آهي.

سوشل ميڊيا تي هڪ وڊيو تيزي سان وائرل ٿي رهي آهي جنهن ۾ هندو تنظيم سان تعلق رکندڙ ڪجهه ماڻهو ان معاملي تي اعتراض ڪندي نظر اچي رهيا آهن.

وڊيو ۾ مقررن بين المذاهب شادين جي مخالفت ڪندي دعويٰ ڪئي ته جيڪڏهن مستقبل ۾ اهڙيون شاديون ٿيون ته هو سخت احتجاج ڪندا.

هڪ شخص جنهن پاڻ کي هندو تنظيم جو نمائندو قرار ڏيندي چيو ته عامر خان هڪ سازش تحت هندو ڇوڪرين سان شادي ڪري رهيو آهي.

گفتگو دوران هن عامر خان جي ٻارن جو به ذڪر ڪيو، جنهن تي سوشل ميڊيا صارفين طرفان مختلف ردعمل سامهون آيا.

سوشل ميڊيا تي ڪيترن ئي ماڻهن وڊيو ۾ ڏنل سخت ۽ خطرناڪ بيانن تي تنقيد ڪئي آهي.

جڏهن ته، آزاد ذريعن تصديق نه ڪري سگهيا آهن ته انهن ماڻهن جو تعلق ڪهڙي هندوتوا تنظيم سان آهي.