يمن جي حوثي باغين جي ترجمان محمد عبدالسلام ۽ سعودي عرب جي وفد وچ ۾ عمان ۾ ملاقات ٿي، جنهن ۾ ٻنهي ملڪن وچ ۾ جاري ڇڪتاڻ جي حل لاءِ ڳالهيون ڪيون ويون. الجزيره جي رپورٽ موجب يمن جي حوثي باغين جي سياسي معاملن جي ترجمان محمد عبدالسلام عمان ۾ سعودي وفد سان ملاقات ڪئي ۽ حوثي ذريعن موجب ملاقات جو مقصد خطي جي سلامتي ۽ استحڪام کي هٿي ڏيڻ هو. ان کان اڳ، ايران جي حمايت يافته يمني حوثي دعوي ڪئي هئي ته هن عربي سمنڊ ۾ ٻن بندرگاهن ۾ سعودي عرب جي تيل جي سهولتن کي نشانو بڻايو هو، جڏهن ته سعودي عرب يمن جي حديده صوبي ۾ حوثين تي حملو ڪيو. ٻئي طرف ايران سعودي عرب ۽ حوثي باغين تي زور ڏنو آهي ته هو ڳالهين ذريعي تڪرار جو حل ڳولين. ايران جي پرڏيهي وزارت جي ترجمان اسماعيل بقائي هڪ بيان ۾ چيو آهي ته يمن ۾ تڪرار جي فوري حل جي ضرورت آهي ۽ خبردار ڪيو ته يمن جي سعودي عرب سان جاري تڪرار جو ڪو به فوجي حل ناهي. هن چيو ته ايران مڃي ٿو ته ڳالهين جي رستي ڏانهن واپسي ۽ اتفاق راءِ واري روڊ ميپ تي مڪمل عمل درآمد ئي يمني شهرين جي مسئلن جي خاتمي ۽ خطي ۾ سلامتي ۽ استحڪام جو واحد حل آهي.
Source link
Leave a Comment Leave a Comment
