پاڪستان جي بالنگ ڪوچ عمر گل شاهين شاهه آفريدي سان مبينا ويڙهه واري خبر تي وضاحت ڪندي خاموشي ٽوڙي ڇڏي. پريس ڪانفرنس ڪندي عمر گل جو چوڻ هو ته صبح جاڳندي ئي کيس سوشل ميڊيا تي ٽيگ ڪيو ويو جنهن ۾ دعويٰ ڪئي وئي ته شاهين آفريدي ڪوچ جي ڳالهه نه ٻڌي رهيو آهي. هن چيو ته اهو واقعو ان وقت پيش آيو جڏهن حسن علي زخمي ٿي پيو ۽ زمين تي ڪري پيو، جڏهن ته شاهين آفريدي ٻاهر ويٺو هو. سندس چوڻ هو ته اڪثر شاهين بالنگ دوران پنهنجي گوڏن کي ڇڪيندو آهي ۽ بحث ان حوالي سان هوندو هو. عمر گل جو چوڻ هو ته ان موقعي تي شاهين آفريدي سان معمولي ڳالهه ٻولهه ٿي رهي هئي ته کيس ٻاهر وڃڻ لاءِ چيو پيو وڃي، ان دوران سرفراز احمد آيو ۽ ٻڌايو ته حسن علي جي مٿي تي زخم آهي. بالنگ ڪوچ موجب واقعي کي جنگ جو روپ ڏنو ويو جڏهن ته حقيقت ۾ اهڙو ڪجهه به نه هو. هن چيو ته وڊيو ۾ ڏيکاريل صورتحال رڳو هڪ ردعمل آهي ۽ کيس اها به خبر نه هئي ته ڪيمرا ان لمحي کي رڪارڊ ڪري رهيو آهي. واضح رهي ته سوشل ميڊيا تي وائرل وڊيو کانپوءِ صارفين ان تي مختلف ردعمل ڏنا ۽ اندازو لڳايو ته ڪوچ ۽ رانديگر وچ ۾ سخت تڪرار ٿي پيو.
Source link
Leave a Comment Leave a Comment
