عالمي سطح تي تيل جي قيمتن ۾ گهٽتائي جو فائدو عوام تائين پهچائڻ بدران حڪومت پيٽرول ۽ ڊيزل جي ليوي ۾ اضافو ڪري وڌيڪ بار وڌائي ڇڏيو.
پيٽروليم ڊويزن طرفان جاري ڪيل انگن اکرن موجب ڊيزل تي 6 رپيا 57 پئسا في ليٽر اضافو ڪيو ويو آهي، جنهن کانپوءِ اهو 79 رپيا 54 پيسا في ليٽر جي نئين سطح تي پهچي ويو آهي.
ساڳئي وقت حڪومت پيٽرول تي 39 پئسا في ليٽر ليوي جي شرح وڌائي ڇڏي آهي، جنهن کانپوءِ هاڻي پيٽرول تي ليوي 66 رپيا 64 پئسا في ليٽر ٿي وئي آهي.
جڏهن ته حڪومت گاسليٽ تي 20.36 رپيا في ليٽر ليوي برقرار رکي آهي.
ياد رهي ته گذريل ڏينهن حڪومت پيٽرول ۽ هاءِ اسپيڊ ڊيزل جا اگهه گهٽ ڪرڻ بدران هڪ هفتي لاءِ برقرار رکڻ جو فيصلو ڪيو هو، جڏهن ته گاسليٽ جي قيمت ۾ به گهٽتائي ڪئي وئي هئي.
